عمرة فيات 131
السلام عليكم
معايا عربية فيات 131 موديل 1980 1300 سي سي و موتورها خفيف و قالولي عايز عمرة يا ريت حد يقولي تكاليف العمرة دي كام ( المتوسط يعني ) |
رد: عمرة فيات 131
لو هاتعمل عمرة كاملة فوق وتحت هاتصرف من 2500 الى 3000 جنية
|
رد: عمرة فيات 131
مشى نفسك بالعربية لغاية شهر 10 لان عمرة الصيف فاشلة
|
رد: عمرة فيات 131
الف شكر استاذ mr_astra
ايه اسماء الحاجات اللي محتاجها و ايه احسن مكان ( جودة و سعر ) اجيب منه الحاجات دي علشان اشحنها منه لاسوان لان الحاجات دي لما توصل عندي سعرها حيتضاعف الف شكر استاذ master2010 و لكن مش اقدر استنى الصيف لان انا مدرس و لما المدراس بتفتح مبقدرش استغنى عن العربية |
رد: عمرة فيات 131
الموضوع مقسوم 3 اجزاء
شغل ميكانيكى قطع غيار شغل خراطة اولا الميكانيكى بتاعك هايفك الموتور ويحكم الموتور محتاج اية بالظبط وراى الخراط مهم جدا فى الموضوع دة او يعتبر هو الاساس بس انا لو منك هاعمل العمرة كاملة مش هاسيب حاجة ودة افضل من وجهه نظرى يبقى وش السلندر يروح للخراط ويتغير فية صبابات + جلد صباب ويتعمل قواعد ودلايل البلوك يروح للخراط ويتعمل فية 4 شمايز جداد على طقم بستم جديد + طقم شنبر جديد الكرنك يروح مع البلوك والوش ويتجلخ ويركب علية سبيكة بيلات وكراسي وهلايل جديدة قطع الغيار ارخص مكان فى القاهرة هى التوفيقية ودى مكانها فى رمسيس ما بين الاسعاف او التحرير وما بين رمسيس امام سنترال رمسيس اوهيئة الصرف الصحى اونقابة المهندسين وفيها محلات قطع غيار كتير جدا جدا وحضرتك كدة عرفت ممكن تشترى اية طقم جونات كامل طقم بساتم والمقاس هايحدده الخراط طقم سبيكة بالمقاس المطلوب من الخراط طقم شنبر ....... طقم جلد صباب طقم صباب سير كاتينة + بلية شداد سير مجموعة اى طلبات تانى هايطلبها الميكانيكى وطبعا فلتر بنزين وزيت وطقم بوجيهات جداد وزيت للتليين وربنا يكرمك بخراط كويس وميكانيكى نضيف وبامر الله العمرة تطلع كويسة اوى وربنا يباركلك فيها |
الساعة الآن 05:12 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017