مصر موتورز مجتمع السيارات - مشكله اهتزاز ورجرجه خفيفه فى مازدا فاميلى 98

مصر موتورز مجتمع السيارات (https://www.masrmotors.com/vb/index.php)

- ميكانيكا السيارة (https://www.masrmotors.com/vb/forumdisplay.php?f=148)

- - مشكله اهتزاز ورجرجه خفيفه فى مازدا فاميلى 98 (https://www.masrmotors.com/vb/showthread.php?t=140526)

مشكله اهتزاز ورجرجه خفيفه فى مازدا فاميلى 98

السلام عليكم ورحمه الله

انا لسه شارى مازدا فاميلى من شهر والحمد لله العربيه تمام ومافيهاش مشاكل .. بدات من فتره يحصل رجرجه خفيفه وهزه بتبان حتى فى صوت الازاز لما بدور الصبح
.. ناس قالتلى البوجيهات عايزه تتغير فهل ده صحيح ؟؟

رد: مشكله اهتزاز ورجرجه خفيفه فى مازدا فاميلى 98

اهلاً بيك فى مصر موتورز نورت المنتدى .. اولاً لازم تفهم ان طبيعى العربية تتهز وخاصة الصبح بنسبة اكتر وده ناتج عن دوران اجزاء المحرك وطبعا الصبح اكتر لحد ما الزيت يسخن والاحتكاك فى الموتور يقل
لكن نسبة الاهتزاز قد ايه بالظبط ده موضوع نسبى والمفروض المحرك محطوط على قواعد وظيفتها امتصاص الاهتزازات ديه وطبعا مع الوقت القواعد ديه ببتتعرض للتلف وبالتالى نسبة الاهتزازات اللى بتوصل للكابينة بتزيد
علشان كدة انصحك تاخد راى حد خبره شوية يركب العربية وياكدلك ان كانت الاهتزازات واضحة فعلاً ولا انت حساس زيادة عن اللزوم
ومن ناحية تانية ممكن ميكانيكى يبصلك على القواعد ولو محتاجة تتغير تغيرها

رد: مشكله اهتزاز ورجرجه خفيفه فى مازدا فاميلى 98

الف شكر بجد مش عارف اقولك ايه .. ان شاء الله هروح لميكانيكى فعلا عشان يبص عليها

رد: مشكله اهتزاز ورجرجه خفيفه فى مازدا فاميلى 98

اقتباس:

المشاركة الأصلية كتبت بواسطة she3sh (المشاركة 1021854)

الف شكر بجد مش عارف اقولك ايه .. ان شاء الله هروح لميكانيكى فعلا عشان يبص عليها

لا شكر على واجب وان شاء الله خير وبسيطة وطمنا عملت ايه وتحت امرك فى اى استفسار

رد: مشكله اهتزاز ورجرجه خفيفه فى مازدا فاميلى 98

اقتباس:

المشاركة الأصلية كتبت بواسطة AbOnOrA (المشاركة 1021862)

لا شكر على واجب وان شاء الله خير وبسيطة وطمنا عملت ايه وتحت امرك فى اى استفسار

رحت لميكانيكى فعلا وقلتله عالمشكله بص عالمكنه وخد بيها لفه وقاللى البوجيهات فعلا عايزه تتغير والحمد لله اتظبطت لما غيرها وخليته يبص عالقواعد قاللى تمام الحمد لله ...
الف شكر لحضرتك تانى