السوبارو xv والرينو داستر
 

يا جماعة الخير أنا محتار بجد بين الرينو الداستر والسوبارو xv ...... ايهما أفضل.... مع العلم ان السيارتين مش نفس الفئة ..... بس ياريت مميزات وعيوب كل واحدة وقطع الغيار والصيانه والاعتمادية وسعر اعادة البيع ....... من فضلكوا ..... وجزاكم الله خيرا

رد: السوبارو xv والرينو داستر
 

مع احترامى مفيش مجال للمقارنة
طبعا سوبارو xv قوة واعتمادية

رد: السوبارو xv والرينو داستر
 

علشان حبايب الدستر ميزعلوش طبعاً هى عربية محترمة مافيش كلام وكفاية إنها من رينو العريقة ولكن السوباروا لاتقارن طبعاً باالداستر لأن ده واقع ميزعلش منه حد حتى فى السعر هناك فارق كبير ولاوجه للمقارنه فيه فما بالك باالنسبة للسيارة كا تكنولوجيا طبعاً ايضاً لا وجه للمقارنة من كل الأوجه باالضبط كده زى ماتقول اجيب مرسيدس ولا أجيب 128 او عربية صينى طبعاً مع جل إحترامى لأصحاب العظيمة ال128 وايضاً اصحاب الصينى والعبد لله واحد منهم ,,ولكن لو حضرتك لديك إمكانية شراء السوبارو لاتتردد لأنها سيارة قوية بمعنى الكلمة ولكن يعبها حجتين سعرها فى إعادة البيع واسعار قطع الغيار غير كده انت هيبقى معاك {تيجر شارك} وبالتوفيق بأذن الله وكل سنة وحضرتك طيب

رد: السوبارو xv والرينو داستر
 

طب يا جماعة الحمد لله سعر الاتنين موجود .... وانا مبفكرش في البيع أنا عاوز عربية اعتمادية تعيش معايا مدة حلوة متعطلش على طول ..... زي التويوتا كورولا كدة ... بس أنا مبحبش العربيات الواطية على الأرض ففكرت في الداستر والسوبارو.... وكله بيقولى السوبارو .... طيب هي قطع غيارها مقارنة بالداستر أو بالتويوتا كورولا عاملة أيه ..... اصل الراجل اللي في معرض أبو غالي بيقولي قطع الغيار متوفرة وأقل 30% من قطع غيار التويوتا كورولا

رد: السوبارو xv والرينو داستر
 

شوف حضرتك {لايحك جلدك مثل ظفرك} حضرتك تعب شوية وانزل محلات قطع الغيار وشوف الأسعار بنفسك على الطبيعة اعمل نفسك بتسأل وكأن العربية معاك يعنى شوف سعر سير الكاتينة وقارنه باالتويوتا مع الوضع فى الأعتبار إن قطعة الغيار الخاصة باالسوبارو لوكانت غالية مقرنهاش باالدستر مثلاً لوكانت أقل فى السعر لأن العمر الأفتراضى للسوبارو طبعاً هتكون اطول لأن العربيات دى اتعملت للخدمة الشاقة علشان كده بيكون سعر قطع الغيار الخاص بها غالى نوعاً ما عن سيارات إخرى ولكن الفيصل هنا ومعلش متزعلش منى بيكون طبيعة الزبون اوالمشترى هل هو مقتدر يعنى مابتفرقش الأسعار لكونه متيسر الحال وعارف إن العربيات دى مصاريفها عالية شوية ولكن فى المجمل هذه السيارات لاتستهلك قطع غيار كثير علشان كده هى سيارات غالية ,,والله الموفق