لانسر عيون
 

السلام عليكم
أنا ناوي أنشاء الله أشتري لانسر عيون علشان أنا آخر ما توصلت لية اني عايز أرخص سيارة ممكن أشتريها وتستر معايا ومتتعبنيش يعني عايزها سيارة عملية مش ممكن أندم أني أشتريتها .. وفي سؤال هل انا أصبت الهدف بأختياري دة ..وهل سيارة موديل 91 لانسر فابريكة دواخل مش هصرف عليها مبالغ كبيرة أو أية هية حجم المصروفات المتوقعة وممكن أغير فيها أية أو العمر الكبير دة 24 سنة يطمن انها متحتجش مصاريف كبيرة
:pty::pty::pty:

رد: لانسر عيون
 

محدش عبرني ولا رد عليا ؟؟؟؟

رد: لانسر عيون
 

ياريت حد في المنتدي يفيدني عن لانسر عيون صفية

رد: لانسر عيون
 

بص يا باشا.... اللانسر بوجه علم ممتااااااااازة
من أفضل العربيات الإعتمادية, و أحد ملاكها كان بيقول : العربية الوحيده اللى تخليك تروح للميكانيكى بمزاجك مش مضطر.
أفضل موديل للانسر بالإجماع (فى السوق المصرى) __ لانسر كريستالة.
الموديلات الأقدم, عيون صفية و بطه ممتازين برده, بس الأهم فى العربيه لإنها قديمه شوية تكون ((( أساسياتها سليمه)))
يعنى مش مهم التكييف و الزجاج الكهربا و السنتر و الإنذار, المهم دواخل سليمه, عفشة مش مفككه, مكنتها ماشاء الله, كهربتها مفيهاش لعب كتير... الحاجات اللى تمشيها بدون أعطال يعنى, و الأوبشنز تركب بعد كده عادى جداً.
ممكن تصرف معاك شوية فى الأول , حسب إهتمام مالكها السابق بيها, و حاجتها ممكن تكون أغلى شوية من العربيات الكورى اللى زيها, بس معمرة.
ربنا و يكرمك بحاجه حالتها كويسة تريحك, لإن السوق ياما فيه.
أعانك الله

رد: لانسر عيون
 

شكرا علي ردك وجزاك الله خيرا ويجعل مساعدتك ليه بخبرتك في ميزان حسناتك