|
نظام تمويل شراء السيارات من بنك فيصل
السلام عليكم
سمعت معلومة حبيت اعرضها عليكم ونشوف اذا كانت فعلا صحيحة تبقى حاجة كويسة جدا واحد قريبي قالي ان فيه نظام لشراء السيارات من بنك فيصل انك تدفع تمن العربية وزيادة عليه 10% وتحطها في البنك كوديعة والبنك يشتريلك العربية بالتقسيط ويدفع عنك الاقساط وبعد 5 سنين تاخد الوديعة بتاعتك تاني وانت معاك العربية ؟؟؟؟؟؟؟؟ انا بصراحة مش متاكد من الموضوع دة بس لو حقيقي يبقى جميل جدا ياريت لو حد يعرف حد شغال في بنك فيصل يسأله أو يكون شغله او سكنه قريب من البنك يستفسر عن النظام بالضبط ويقولنا وصل لأيه ويارب الموضوع يكون فيه فايدة للجميع |
رد: نظام تمويل شراء السيارات من بنك فيصل
اقتباس:
ايه الجمال فى كده لو فرضنا ان العربيت تمنها 90000 وانت حطيت فى البنك 100000 المفروض 100.000 يجيبوا حوالى 60.000 جنيه كوديعه مجمعه بعد 5 سنين على اقل واجب وعلى حسب سعر فائدة البنك المركزى طيب لو العربية اشترتها بالقسط على 5 سنين بفرض ان فائدة القسط 8% يبقى هتدفع 36.000 جنيه فوق تمن العربية يعنى فيه 24.000 جنيه فرق لصالح البنك لأنه هيجمد الوديعة حتى انتهاء الاقساط يبقى ايه الجمال اللى فى كده الا لو هيدنى الوديعة بالفوائد بعد 5 سنين ده يبقى كلام تانى تقبل مرورى |
رد: نظام تمويل شراء السيارات من بنك فيصل
اقتباس:
لكن حضرتك مش حاسبها كويس انت ممكن تدفع تمن العربية كاش ومش هتاخد حاجة لكن حضرتك هاتسترد الوديعة بعد 5 سنين + ان معاك عربية جديدة والبنك هو اللي هايدفعلك اقساط العربية يعني انت مش هاتدفع حاجة غير الوديعة |
رد: نظام تمويل شراء السيارات من بنك فيصل
حد قالي الرد دة وفعلا انا شايفه اقرب الى الصواب
للأسف مفيش قرض بالشكل ده هي كل الحكاية إن لو عندك وديعة تغطى 110 % من قيمة القرض تقريبا مش هتدفع فوائد على القرض لإن أرباح الوديعة هتغطى نسبة كبيرة من فوائد القرض و يبقى عليك تسديد أصل مبلغ القرض فقط تقريبا + نسبة بسيطة من فوائد القرض |
رد: نظام تمويل شراء السيارات من بنك فيصل
نظام فاااااشل
|
| الساعة الآن 08:48 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017