استهلاك بنزين عالى لانسر 2007
 

بالنسبة لاستهلاك عربيتى لانسر سوبر اكشن 2007 انا لسة شاريها و دى اول عربية ليا و مليش خبرة فى دواخل العربيات بس العربية بتستهلك بنزين كتير جامد يعنى الصفيحة 20 لتر بتكفينى 150 كيلو فى مشاوير جوة و برة المدينة ومن غير تكييف رحت لمكانيكى غير طقم بوجيهات ngk تلاتة شمعة و طقم سيور و فلتر بنزين و لسة زى ماهيا بس اول مابدورها الصبح بشم ريحت بنزين ومن كام يوم الصبح لقيت سائل بسيط فى الشكمان مش عارف مية ولا بنزين انا تعبت و عاوز اعرف حل للمشكلة دى عشان تعبت وجزاكم الله كل خير

رد: استهلاك بنزين عالى لانسر 2007
 

ان شاء الله خير وتوصل لحل نهائى بس النوعيات ديه من المشاكل بتاخد وقت شوية ولازم تطول بالك علشان نطمن على كل حاجة واحدة واحدة
مشكلتك حاجة من اتنين يا مشكلة فى المكنة نفسها
يا فى التانك وخراطيم البنزين حاجة مشققه ولا مخرومة
موضوع الشكمان ده غالبا مية وده طبيعى
الاصول تكشف كمبيوتر الاول وميكانيكا تطمن على المكنة ولو سليمة هيبقى الشكوك فى دورة تغذية الوقود (التانك - الطلمبة - الخراطيم )