إشتريت تويوتا ياريس الجديدة 2015
بعد معاناه لمدة أكثر من عام مع السيارة اليابانية دايهاتسو تيريوس من نشوفية العربيه وصوتها المرتفع الذى يطغى على صوت الراديو قررت بيعها وتم ذلك بعد ربع ساعة من وضع الإعلان على صفحات الإنترنت ، وقررت العودة مرة أخرى للتويوتا حيث كنت أمتلك واحدة كورولا منذ 5 سنوات وشاهدت الجميله الياريس موديل 2015 أوتوماتيك سيدان فوقعت فى غرامها من أول نظرة وإشتريتها اليوم ، لكن ما أحزننى خلوها من بعض الأوبشنز مثل الفوجات وحساسات الركن والجنوط الرياضية لكنها فى المجمل سيارة ممتازة وسأقوم بتركيب هذه النواقص حتى تكتمل فرحتى بها |
رد: إشتريت تويوتا ياريس الجديدة 2015
الف الف مليون مبروك يا بشمهندس و ربنا يعطيك خيرها و يكفيك شرها ...
|
رد: إشتريت تويوتا ياريس الجديدة 2015
الف مبروك عربية جميلة ربنا يهبك خيرها ويكفيك شرها ويملاهالك بركة يارب
|
رد: إشتريت تويوتا ياريس الجديدة 2015
بارك الله لحضرتك فى السيارة الجديدة
حفظك الرحمن ويسر لك كل طرق بلد العجائب |
رد: إشتريت تويوتا ياريس الجديدة 2015
مبروك يا بشمهندس
وبيعك للتريوس قرار صائب ولكن بعد فتره ستتوصل ان الياريس بصفه عامه من افشل السيارات المسماه بالياباني وبصفه خاصه الهاتش باك بتاعها وفي الثبات بقي هتشوف اللي مشوفتهوش ولو مبتجريش مش هتحس بيه بس ده مش مبرر وهستني بقي محبي الياباني عامه ومحبي التويوتا خاصه ينتقدوني وهستني برده بتوع الراجل لسه جايب العربيه متكرهوش فيها ويا تقول كلمه حلوه يا متقولش بس انا لما بقولك الكلام ده يا بشمهندس زعل مني علي انك راجل خبره في العربيات ومكنش ينفع تشتري العربيه دي لان والله والله والله السيراتو والالنترا افصل بمراحل ولو عاوز ياباني كنت جبت الشارك برده افضل بكتير والفرق لا يذكر في الفلوس لل 3 عربيات وهستني ردك بعد فتره تقولي رايك اما لو كنت جربتها قبل ما تشتريها وسمعت عنها من حد قريب ليك فيبقي اللي قالك انها عربيه يبقي ضالك ولو كنت جربتها اكتر من مره ومقتنع بيها وبتقول انها ممتازه مجمل يبقي ربنا يكفيك شرها |
الساعة الآن 12:25 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017