الابيزا 99
طبعا بعد البسات 99 هاتقولوا ايه حكايه 99 معاه هو رقم حظه و لا ايه
الابيزا دي مع ابن عمي كنا في القاهره و اشتريناها و احنا راجعين انا سقتها علشان هو كان تعبان اولا الشكل عارفين المكعبات الي كنا بنلعب بيها زمان هيا بالظبط كده مكعبه و شكلها بسيط للغايه الصالون واااااااااااااااااااااااا ااااااااسع مع انها هاتش باك و قعدتها مرحيه جدا بس التابلوه غير مريح الازاز الكهرباء الزراير بتعتها تحت الكاسيت و تابلوه متشقلب خالص العادات لونها احمر بس للعين كنا شارينها ماشيه 30 الف كيلو يعني لسه جديده عدينا على احمد عزت غيرنا بوجيهات و فلاتر و بليه دينمو و انطلقنا التسارع مع انها 1000 سي سي الا ان المتور متعفرت تسارع جامد زي الياباني الاتزان عالي للغايه و يمكن مش هاتصدقوا انها زي الباسات راكزة جدا السرعى القصوى 150 كيلو و لو حلفت على الميه تجمد مش هاتعديها حتى لو بيكيلو واحد استهلاك البنزين 400 كيلو في الصفيحه الفرامل على الشعره قطع اغيار اسعرها ممكن تكون عاليه شويه بس ماتخفش الي هاتغيره مش هاتغيره تاني عربيه ناعمه و مش هاتسمعلها صوت لا للعفشه و لا لمتور الي افتكره في قطع الغيار هابقى اكتبه الفرامل 90 جنيه اسباني ده الي انا فاكره بصراحه عاوز عربيه اقتصاديه و تقطع نفسها سفر و جري و هاتقعد معاك و تعمر اشتريها و ماتخفش منها |
رد: الابيزا 99
واضح ان العربية اللي اشتريتوها كانت حالتها ممتازة
ربنا يباركلكوا فيها الثبات خاصية مميزة للباسات و الجيتا و البولو و السيات الأوروبي بشكل عام ، مش بقولكوا في فرق بين اللي بيتصنع في اوروبا الدول المتقدمة (مش البانيا يعني) و اللي بيتصنع في باقي العالم |
رد: الابيزا 99
ماشاء الله ربنا يباركلكو فيها بس معلش ممكن اعرف جبتها منين وعلي كام؟ عشان انا عايز اجيب واحدة زيها بس عداداتها معدية ال100,000 ولا المهم الحالة لأن ممكن العداد يكون مقلوب ربنا يباركلكم فيها
|
رد: الابيزا 99
أهم حاجة الحالة و يتم التأكد منها بالكشف عند ميكانيكي متخصص في الفولكس (الابيزا و البولو و ....ز) قبل الشراء
|
الساعة الآن 11:22 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017