مصر موتورز مجتمع السيارات - العربية بتفصل لما بشح موبايلى

تقريبا تقصد العربية بتفصل لما بتشحن الموبايل وده غالبا معناه ان سوكت الولاعة اللى بتحط فيه الشاحن فيه مشكلة ووارد يكون الفيوز بتاعة ضرب وهو متحمل عليه كذا حاجة تانية غير الولاعة
مبدئياً ممكن تغير الفيوز بواحد تانى جديد نفس القيمة بس هيتبقى حاجة من الاتنين
يا الولاعة (بيت الولاعة) بايظ او فيه حاجة ملمسة وعايزة تتغير
يا الشاحن اللى انت بتستخدمة مش اصلى وجودته مش تمام وده اللى بيخيله يحمل جامد على كهرباء الولاعة
لو انت مش فاهم حاجة من اللى قولته متعملش حاجة ومتلعبش فى حاجة وروح لكهربائى سيارات هيظبطلك الدنيا يغير الفيوز ويكشف على الولاعة
وعامة الموضوع بسيط خالص متقلقش خير ان شاء الله
وتحت امرك فى اى استفسار تانى وابقى طمنا عملت ايه