مصر موتورز مجتمع السيارات - ممكن حد يساعدني في العلامات بالتابلوه .. و ايه المفروض يتعمل .. ضروري

تمام يا استاذة ندى هل العلامات بتظهر طول ما العربية دائرة ولا اول ما تدورى الكونتكت وتفصل
لو بتنور قبل ما تدورى بمجرد ما تدورى الكونتكت ثوانى وتفصل فده الطبيعى مش عيب ولا مشكلة بالعكس ده بيحصل علشان نتاكد ان اللمبات ديه شغالة من اساسة بالعكس لو منورتش يبقى فيه مشكلة
اما لو بتنور والعربية دائرة يبقى فيه مشكلة لا قدر الله
شرح العلامات ديه بقى من اليمين للشمال
1- اللمبة الصفرا ديه اسمها شيك انجين او اكشف على الموتور وديه معناها مشكلة فى المحرك نفسه
-2 اللمبة الحمرا اللى على شكل مصباح علاء الدين ديه خاصة بمستوى الزيت فى المحرك كون انها تنور معناها فيه مشكلة فى مستوى الزيت ناقص مثلا او طلمبة او كرتيرة فيها مشكلة
اللمبيتن دول عموما لو ظهرو فى اى وقت لازم العربيه تتبطل ونشوف حد يكشف عليها غلط نمشى وفيها عيوب فى المحرك
3- لمبة حمرا على شكل بطارية وديه خاصة بشحن البطارية
4- لمبة حمرا مكتوب عليها هاند بريك وديه خاصة بفرامل اليد
وديه الاستثناء الوحيد فى اللمبات ديه علشان ديه بتنور بمجرد ان فرامل اليد مشدودة حتى لو العربيه ماشية وبمجرد ما فرامل اليد تنزل المفروض تتطفى غير كدة لو مستمرة يبقى فيه مشكلة فى فرامل اليد
اتمنى اكون افدتك وتحت امرك فى اى استفسار اخر