مشكلة بسببها حصل مشاكل كتير ... انقذوني
 

السلام عليكم ورحمة الله وبركاته
اخواني الاعزاء
انا اشتركت في المنتدي الجميل ده وقولت ان شاء الله انتوا الي هتفيدوني
انا معايا عربية كرايسلر نيون 1997
العربية كنت مشتريها وحساس الحرارة مفصول وقالي عايز يتغير علشان مكان الفيشه في الحساس مكسورة والفيشه بتقع
المهم رحت لميكانيكي المفروض انه بتاع امريكي
وصل الحساس والحرارة اشتغلت والمراوح اشتغلت لما العربيه سخنت
المهم غيرت 1- سير كاتينة -2- بلية كاتينة -4- بوجيهات
بعد ما مشيت من عند الميكانيكي العربية سخنت وبطلت
رجعت قالي الريدياتير مسرب رحت لحمته وجربت العربيه عند الفرملة بتبطل والسلانسية برجله جامده
عللي العربية سنة وقالي كده تمام
دلوقتي الموضوع اتطور ان العربيه بقت بتبطل جامد جدا
ياريت حل ولسه في تطورات كتير وخمسين الف ميكانيكي بس الموضوع هيقي كبير وهتزهقوا
بس انا كشفت علي 1- سير الكاتينة -2- حساس الحرارة -3- غيرت حساس ايدل -4- نظفت حساس الماب -5- نظفت البوابة -6- غيرت بوجيهات
والبوجيهات دلوقتي في اتنين جايبين زيت من فوق ومن تحت والاتنين التانيين كويسين
العرببية بتاكل بنزين بشراهه
دخان اسود من الشكمان وريحة بنزين غير مكتمل الحرق
ارجوكم عايز حل

رد: مشكلة بسببها حصل مشاكل كتير ... انقذوني
 

مشكلة التبطيل على السلانسية ولافرامل اللى اتطور بعد كدة
اعتقد سببة سيرفو الفرامل ....اما ان الطاقية بتعتة تالفة وعاوزة تتغير او ان خرطوم الفاكيوم بتاعة مقطوع بيسرب هواء او ان البلف مش شغال ولا يؤدى وظيفتة
العربية بتاكل بنزين +البوجيهات مهببة + دخان اسود دى ظبطة ماكنة
ومن كلامك حضرتك بتقول غيرت او نضفت البوابة يبقى العربية انجكشن تمام ؟
اعتقد ان رشاشات السلندرات اللى البوجيهات فيها بتهبب هى سبب المشكلة ....بترمى بنزين بالزيادة
او فيها عطل فيزيكال زى مثلا اويل سيل الرشاش نفسة او فيشتة مش واصلة
حاجات ظاهرية ممكن تؤدى الى عدم عمل الرشاش المذكور او عملة بشكل غير مرضى
متابعين معاك واعزرنى انا معرفش حاجة فى عربية حضرتك ولكنة اجتهاد وكلام فى عموم المحركات

رد: مشكلة بسببها حصل مشاكل كتير ... انقذوني
 

العربية انجيكشن فعلا 2000 سي سي
موضوع الرشاشات ده انا مستبعده علشان العربيه علي السرعات ممتازه جدا واتأكدت ان كل الفيش شغاله تمام

رد: مشكلة بسببها حصل مشاكل كتير ... انقذوني
 

بالعكس
طالما العربية على السرعات ما بتعملش مشاكل يبقى تشك اكتر فى الرشاش
لان على السرعات العربية بتحتاج بنزين بزيادة اللى كدة كدة الرشاش بيدية للموتور بزيادة عن المطلوب
مهو يا اما بنزين زيادة او هواء زيادة اللى يسبب مشكلة الدخنة
جايز لو ربطنا مشكلة السيرفو مع مشكلة الدخان نطلع بنتيجة ان السيرفو او اى كان سبب دخول هواء بكمية زيادة هو ناتج عنة دخان اسود من الشكمان
جايز

رد: مشكلة بسببها حصل مشاكل كتير ... انقذوني
 

شكله ايه السيرفو ده ومكانه بيبقي فين ؟؟؟؟؟؟؟؟