|
العربية مبرجلة
السلام عليكم
المشكلة إبتدت من حوالى شهر و نص تقريباً مسمار الهوا فى الكربراتير مبقاش بيستجيب كما ينبغى (يعنى ممكن تقفله على الآخر و العربية متبطلش) رحت لمعتز المصرى فتح و نظف و أخد 140 جنية (أنا شخصياً مستكترهم رغم الغلاء) و المهم الوضع كما هو زاد عليه راس مسمار السلانسية أتشرخت و لحمتها بقصدير , بس البرجلة بتزييييييييييييييييييد توكلت على الله و فتحت الكربراتير بنفسى و نضفت و غيرت جوانات و ركبت تانى النتيجة .... و لا كأن عملت حاجة, بردو برجلة و المكنه عمالة تعلا و توطى زى متكون بتحلف لى إن فيه تسريب هوا. منين بقى ؟ هو ده اللغز !!! قولت يمكن السيرفو, سديت الخرطوم :shyy: نفس النتيجة مش فاهم ممكن يكون التنفيس منين و أعمل إيه حالياً أنا قافل مسمار الهوا عالآخر و شادد الشفاط سنه علشان العربية متبطلش و طبعاً البوجيهات بتهبب كل مشوار و إستهلاك بنزين بالعبيط. حد عنده فكرة ممكن أعمل إيه؟ |
رد: العربية مبرجلة
مبدأيا كده ..إرمي الكاربراتير ده ..وشوف الدنيا هتضبط ولا لأ
|
رد: العربية مبرجلة
اقتباس:
وديتها لميكانيكى جنبنا لاقى بيك السلانسية لما يفكه العربية مش بتبطل, بتفضل شغالة, و مبرجلة طبعاً قالى هات بيك أضيق!!!! إتصلت بالبشمهندس محمد طلبه, قالى كده مسار السلانسية جوة الكربراتير مسدود علشان كده العربية مش حاسه بيه. طيب أنا لسه منظفها بالإسبراى, عربية معفنه صحيح مبتحبش النضافة. و لازال عذاب تغيير البوجيهات اللى بتهبب بعد كل مشوار مستمر. هل فى أى جديد؟ |
رد: العربية مبرجلة
ممكن حضرتك تبص بصة سريعة حوالين الكربراتير .... اقصد طرمبة البنزين ... الفلاتر ... سرفو الفرامل .. خراطيم الفاكيوم ... حاول تستبعد كل الاحتمالات دى ... و ان قدرت على استبعادها ... حلك فى فك الكربراتير و ظبطه و تنظيفه مرة اخرى
فى التنظيف ياريت حضرتك تستخدم هواء مضغوط ... او تستخدم الانبوبة الرفيعة الى بتيجى مع منظف الكربراتير فى تنضيف مسارات الهواء و البنزين داخل الكربراتير ربنا معاك ... متابعين |
رد: العربية مبرجلة
يعني حضرتك غيرت الكاربراتير ولا مغيرتوش ؟؟؟؟
|
| الساعة الآن 10:09 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017