تاني مره 516 تسخن مني وتجيب جوان
 

انا لسه شاري من شهر ونص 516 موديل 2009 عامله 99000 كم
المهم استلمتها ومكنش فيعا اي حاجه غير اني ارصصها واظبط زوايا ولمبه abs من'ره عشان فيه مشكله في الفيش

اسلمتها وسافرت من اكتوبر وسافرت المنصوره والعربية زي الفل ماشي 130 من غير ما احرق عليها وكده كده الزراعي كله مطبات مبتلحقش تشد بيها

المهم بعد يومين راجع اكتوبر وشيكت عالميه وكله تمام بعد 30 كيلو لقيت عداد الحراره نط فجاه ووصل للاحمر والعربيه بطلت فركنت ونزلت ملقتش فيها نقطه ميه سيبتها تبرد و وحطيت ميه ومشيت زي الفل بتد 20 كيلو كمان لقيتها بدات تسخن وقفت لغاين ماهديت وكملت لغايه ما وصلت للمحور لقيتها سخنت عند هايبر ركنتها وقطرتها لميكانيكي
المهم قلي جابت جوان وش سلنندر وجوان فرن استلمتها منه
طلعت الدائري عند نزله ميدان لبنان شميت ريحه شياط ركنت لقيت العربيه بتسرب زيت ولما بطلت مش راصبه تدور قطرتها رجعتهاله قالي في افيز كان بيسرب عمله في ساعتها ووزودت زيت ومشيت مكملتش 200 متر والله 200 متر سمعت صوت تخبيط وغليان وقفت وفتحت الكبوت لقيت القربه بتغلى وطحنت
خدتها لاشهر واحد في اكتوبر الشرقاوي قالي جايبه جوان تاني وكويلر اللي هو مبرد الزيت وبالمره رحت عاملها طقم سيرفيس المهم دفعت 2300 تقريبا وغيرت كام خرطوم في دوره الميه وبعدها نضفت ريداتير بس من غير تسييخ
استلمت العربيه وكانت زي الفل وركنتها في المنصوره فتره وكل ما انزل تلمنصوره اخرج بيها مع مراتي ومن يومين قلت هبدا اخدها
سافرت بيها والجو كان حر جدا شغلت التكييف وماشي تمام بعد 40 كيلو تقريبا لقيت الحراره بتزيد رحت قافل التكييف لقبت الحراره في ثانيتها نزلت وبعد عشر دقايق شغلته تاني لغايه ماوصلت عند قها يعني تقريبا باقي عالدائري 35 كم لقيتها سهنت جامد وريحه شياط نزلت فتحت لقيت خرظول ميه مقطوع من نصه وبيطرطش ميه لغايه ما صفت الميه اللي فيها
سبتها تبرد وكان فيه سمكري حبت منه شكرتون وعملنا الخرطوم وشبكنا عالخرطوم انه مش بيسرب
حصلت الحكايه دي تاني مره عالدائري ومره عند جهينه بس اخر مره مكنتش بتدور حطتها على ونش ووديتها لواحد سالت اثحابي عليه اسمه هلال في البشاير كان شغال في التوكيل
قالي هتتكلف 2000 حنيه جابت وش سلندر وهنخرطه وقالي كمان شمايس وكذا حاجه كده

معلش غالاطاله بس كان لازم اقول بالتفصيل عشان اي تفصيله ممكن تفيد
ياريت تنصحوني وتقولولي هو كده الفلوس اللي هياخدها كتير ولا ايه عشان خبرتي في العربيات نص نص
شكراااااا

رد: تاني مره 516 تسخن مني وتجيب جوان
 

الله يكون فى عونك ,,فى اخ ميكانيكى محترم موجود معانا هنا فى المنتدى وهو الأخ حمدى وده تليفونه 01065229805 ,وهو راجل فاهم جداً يعنى تقدر تقول استاذ فى الميكانيكا,,وعموماً نحاول نتأكد من تليفون فى المنتدى ,على فكره الأخ حمدى هيجبلك من الأخر وربنا يكرمك وتتحل مشكلتك على خير بأذنه تعالى

رد: تاني مره 516 تسخن مني وتجيب جوان
 

نصيحة اخ اصفر
ما تعملش حاجة تانى فى الموتور دة نهائي نهائي لانك مهما تعمل مش هايظبط معاك
انا ما شوفتش واحد عمر تلنوتور دة وظبط معاة
من ضمنهم عربية صديقى عملنلها عمرة كاملة اعدت تلت شهور وفوتت
جبنلهاكرنك وبساتم استيراد فوتت بعد شهر وبعها على كدة

تلحل انزل الحرفيين سقطلها موتور لانسر بفتيسة الاوتوماتك

رد: تاني مره 516 تسخن مني وتجيب جوان
 

استبدل المحرك بسبب الحرارة المرتفعة اصبح هناك اعوجاج بعدد من القطع ميكانيكية

رد: تاني مره 516 تسخن مني وتجيب جوان
 

شكرا يا جماعه على افادتكم
بس ياريت معايا فلوس والله كان زماني جبت موتور لانسر وخلاص

انا خلاص بدات اكره العربيه مع اني بحبها جدا ودي هتكون اخر محاوله فيها وربنا كريم

وشكرا ليكم مره تانيه