مكان بيع خراطيم الفاكيوم
 

تحياتى للسادة الزملاء
فيه تسريب من بعض خراطيم الفاكيوم نتيجة العمر الإفتراضى . كنت عاوز أعرف مكان بيع خراطيم الفاكيوم (Vacuum Hose) عالية الجودة أو خراطيم الفاكيوم المصنوعة من السيليكون بالقاهرة قطر داخلى 4 , 6 , 8 مم.؟ لتحمل الحرارة الشديدة خاصة ان العربية تربو
كمان فى مادة سائلة (Thread Sealant) يتم وضعها على السن القلاووظ (سن حساس قياس ضغط الزيت مثلاً) قبل ربطة بالبلوك للإحكام وضمان عدم التسريب تحت الضغط العالى حد عنده فكرة دى بتتباع فين.؟
شكراً

رد: مكان بيع خراطيم الفاكيوم
 

ممكن تاخد حتة من الخرطوم القديم و توريه للبياع .... و ابدأ بالمحلات الى بتبيع قطع غيار عربيتك
ايه نوع Thread Sealant الى حضرتك تقصده ؟؟ ممكن تستبدله بتفلون ؟
ممكن حضرتك تسأل عنه مجلات قطع غيار السيارات ... او تسأل فى شارع الجمهورية

رد: مكان بيع خراطيم الفاكيوم
 

شكراً لرد حضرتك
النوعيه التى تباع عند محل قطع الغيار غير جيدة بالمرة (وطبعاً مهندوش أصلى) خراطيم الفاكيوم اللى عندى منهم 2 خارجين من التربو يعنى حرارة شديدة جداً (أى نوعيه نص كم هتشيط) أعتقد ان لو حد متخصص فى الخراطيم يمكن يكون عنده نوعيات أفضل وياسلام لو فى خراطيم سيليكون
وبالنسبه للـ Thread Sealant هو فعلا حاجه زى اللى حضرتك منزل صورتها هسأل عليها فى شارع الجمهورية

رد: مكان بيع خراطيم الفاكيوم
 

العفو يا فندم... لا شكر على واجب

حضرتك بتتكلم عن خرطوم يتحمل درجات حرارة عالية ...... بصراحة انا معرفش خراطيم طاوتشوك تتحمل درجة حرارة عالية ... ياريت حضرتك تفيدنا اكتر فى النقطة دى :)

خلى بال حضرتك من حاجة .... فيه انواع كتير لوك تايت لاحكام الرباط .... مش لمنع التسرب

رد: مكان بيع خراطيم الفاكيوم
 

أكيد فيه خراطيم بتتحمل درجة حرارة عالية زى اللى نازلة فى العربية (ماركة الخراطيم اللى فى العربية Gates) ياريت الاقيها وده موقع بيبيع الخراطيم السيليكون ومكتوب فى مواصفاتها تحمل درجة حرارة حتى 500 فهرنهيت يعنى حوالى 260 مئوية :)
Amazon.com: High Performance Silicone Vacuum Hose - 10 feet - .1375" ID (3.5mm) - Black: Automotive

شكراً لتوضيح الفرق بين Thread Sealant و Threadlocker :) وان شاء الله هسأل فى شارع الجمهورية زى ما نصحتنى