نقل ملكية واستلام رخصة
 

السلام عليكم
اريد الاستفسار اشتريت تاكسي ابيض من معرض بالنمر والرخصة والتوكيل وعقد الشهرر العقارى وشهادة البيانات وبعدين روحت مرور السلام وخلصت الاجرءات الفحص الفنى وركبت النمر وبعدين روحت لموظف شباك نقل الملكية بالاوراق اللى مطلوبة والموظف كتب البيانات كلها ع الاوراق وبعدين اخد الملف وقالى لازم ارخص النمر تقريبا او حاجة زى كدة مش فاكر بالظبط وكان وقت متاخر والطوابير كتيرة والموظفيين هيمشو وانا مشيت وهروح السبت

الاستفسار عن ان الملف كامل وفيه كل البيانات والارواق عايز اطلع رخصة العربية تكون بأسمي ومفهمتش اعمل ايه تانى ؟ أفى اى أجراءات تانى هتتعمل ؟
تانى حاجة انا عامل رخصة خاصة من فترة
هل يجوز انى اسوق التاكسي بيها ولا لازم اعمل رخصة المهنية ؟

رد: نقل ملكية واستلام رخصة
 

اهلاً بيك فى مصر موتورز
اللى اقدر افيدك بيه اكيد ان التاكسى لازمله رخصة مهنية مينفعش رخصة خاصة
باقى استفسارتك ممكن حد من الزملاء يكون عندة خبرة اكتر يفيديك فيها ان شاء الله

رد: نقل ملكية واستلام رخصة
 

ونصيحة عامة بالنسبة لمرور السلام اللعنة ده لازم تروح من الصبح بدرى من اول اليوم علشان تلحق تخلص حاجة

رد: نقل ملكية واستلام رخصة
 

شكررا كتير لحضرتك
انا روحت كملت الاجراءات من 6.30 ص واخدت تصريح مؤقت
وبعديها روحت جبت جواب تأمينات وجواب ضرائب ووقفت ساعتين ولما وصلت الشباك قالى لازم جواب الضرائب القديم وجواب التأمينات ومكنش معايا النسخ فزهقت وروحت وهكمل بكرة
دلوقتى عايز اعرف حاجة
لما اعمل جواب التامينات والضرائب من المرور
وبعدين اطلع ع الضرائب هعمل الغاء القديم وافتح جديد بأسمي
التامينات بقى هتحتاج اية منى دلوقتى جواب المرور بس ولا اية ولا محتاجين رخصة مهنية ولا مش دلوقتى