|
ياترى فيه مشكله فى الحكاية دى ؟؟
الموضوع باختصار انى كنت مع الوزة فى مشوار للقاهرة ولما وقفت بالعربية جنب البيت لقيت مياه كتيره بتنزل اسفل العربية ببص فى قربه مياه التبريد لاقيتها فاضية خالص ..قلت يبقى المشكله فى الرادياتير ...المهم روحت لبتاع الرادياتيرات وكان بالصدفه قريب ..المهم قام بفك الرادياتير وقال انه مخروم ..انا استغربت لأنى لم أخبط فى أى حاجه ..فقال لى أصل مروحة الرادياتير زانقة على الرادياتير ولما بتدور بتاكل فيه ودى حاجة معروفه فى الأسبيرانزا516 !!!! (انا أول مره اسمع الكلام ده ..عربيتى معايا من سنه 2008 ولم اسمع الحكايه دى ومحصلش معايا الموضوع ده قبل كده) المهم لحم الخروم وكل شئ بقى تمام والحمد لله.. نيجى بقى للأسئله :-
اولا :- ياترى حكايه زنقة المروحه على الرادياتير دى حقيقة ولا اشتغاله ؟؟ ثانيا :- الصنايعى بعد ماحط مياه التبريد (الخضراء) لاقيتها أعلى من علامة ال max ..ياترى فيه مشكله فى الحكايه دى ..وايه مشاكلها ؟؟ معلهش طولت عليكم شويه بس أهو بنستفيد كلنا ..وشكرا مقدما |
رد: ياترى فيه مشكله فى الحكاية دى ؟؟
العربية مع حضرتك بقالها سنين محصلش معاك كدة وانا مسمعتش عن العيب دة كمان
اكيد لو كنت مسافر على طريق صحراوى قابلك زلطة صغيرة او حاجة موضوع المياه فوق الماكس مع كام مشوار تانى هاتنزل دة طبيعى ويمكن كمان تحتاج تزويد المهم نوع المياه الخضراء اية ؟؟؟ |
رد: ياترى فيه مشكله فى الحكاية دى ؟؟
طبعا موضوع المراوح زنقه في الرادياتير دي اشتغاله تاني حاجه الميه فوق الماكس بس متكونش الميه اعلي بكتير عن الماكس
|
رد: ياترى فيه مشكله فى الحكاية دى ؟؟
طيب ازاى المروحة لطشت ف الردياتير خرمته ومش باين الخرم ؟؟؟
|
رد: ياترى فيه مشكله فى الحكاية دى ؟؟
المشكلىة دى حصلت معاية و أنا جاى من أسكندرية للقاهرة
و للأسف و أنا راجع تهت فى الطريق و مشيت 60 كيلو غلط و بعد ما وقفت أسأل قالولى أنت ترجع الطريق اللى مشيتة ( 60 كيلو ) تانى ومن غيظى كنت بأقرص على العربية و أنا راجع و بأكل مطبات ولحد ما رجعت البيت كانت العربية دايرة لمدة 6 ساعات بدون توقف بعدها لاقيت ماية خضرة تحت العربية رحت للراجل بتاع الريداتير و فكيت الريديتير و لاقينا خرمين زى فتحة السرنجة ( الحقنة ) بسبب أحتكاك المروحة بالريداتير لأن المروحة فيها حتة كلبس صغير الخواجة حاطة لية أنا مش عارف العلاج بسيط أنبوبتين بيخلطو على بعض بتلحم الخرم و ما فيش داعى لتغير الريديتير على بعضة و شكرا |
| الساعة الآن 10:57 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017