مصر موتورز مجتمع السيارات - مشورة قبل شراء تريوس

مفيش عربيه مبيتصرفش عليها بعد الشراء حتى الزيرو بعد الشراء محتاجة الصيانات الدورية فى معادها فمبالك بعربية شغالة فى اسواء طرق فى العالم - الطرق المصرية - بقالها 15سنة
لكن انت تحسب العربيه هتشتريها بكام ويتبقى معاك فلوس كام وهتدبر امورك بكام علشان العربيه بيت مفتوح وليها مصاريف تشغيل وصيانة لو مش حاسبها بشكل معقول هترهق ميزانيتك
وطبعا بتدور على الحالة الانسب والافضل وتكشف كويس وتعرف المصروف اللى فيها ايه وبرضو تبقى شايلها قرش علشان لاقدر الله لو حصل فيها حاجة حتى لو مش ميكانيكا ممكن لا قدر الله تتخبط وهى مركونة حتى فلازم يبقى معاك بزيادة للمصاريف
ومن حيث الرينج ده التريوس حلوة بس المهم الحالة وتكشف عليها
ومميزاتها انها عربيه عالية هتريحك من قرف المطبات خاصة لو بتحمل فيها كتير
وكمان موتور صغير موفر فى البنزين
عيوبها ثباتها على السرعات وفى الملفات مش حلو طبعا علشان عالية وعلشان عربيه اقتصادية فعايزة سواقة هادية
وطبعا بحكم انها يابانى قطع غيارها وصيانتها هتلاقيها اغلى من الكورى شويتين بس غير كدة عربيه حمالة اسية ومناسبة كقيمة مقابل سعر بالمقارنة بالبدائل اللى فى سوق المستعمل