|
افضل توكيلات السيارات فى مصر؟
اعتقد ان الاجابة حتكون كلهم حرامية وغشاشين بس الاهم ان التوكيل شئ مهم جدا لاى حد عايز يشترى عربية جديدة
علشان كده عايزين نعرف احسن الوحشين من ناحية الصيانة والاسعار لان التوكيل ممكن يخلى الواحد يصرف نظر عن العربية ياريت الناس تفيد الاخوة اللى عايزين يشتروا جديد فى انتظار ارائكم |
رد: افضل توكيلات السيارات فى مصر؟
هو طبعا مفيش حاجة على الاطلاق فى الموضوع ده فمثلا
البافارية توكيل محترم جدا فى الخدمة كمستوى وتوفر كل حاجة بس الاسعار طبعا نار ولو متعرفش حد ممكن تاخد على عينك زى ما بيقولو وفيه حاجات كتير تعملها بره التوكيل ارخص طبعا توكيل تويوتا مصر ممتاز من حيث مستوى الخدمة والفنيات بس برضو الاسعار وقطع الغيار ساعات مبتبقاش موجودة بس بتتجاب وهتلاقيها متوفرة عند موزعين قطع الغيار يعنى عموما شبكة قطع الغيار وكصيانة فى مراكز خدمة التوكيل او مراكز الخدمة ممتازة هيونداى غبور اسمع انه سىء خاصة ابورواش بس كنت بتعامل مع مراكز خدمة معتمدة زى ابوغالى وعموما الهيونداى التعامل فيها سهل بره التوكيل واعتمادك عليه مش اساسى خالص اسواء توكيل اتعاملت معاه كان الامل اللى هو توكيل الادا اصلا وبعدين جاب ال BYD بس تجربتى معاهم كانت من حوالى 7 سنين ممكن يكونو افضل دلوقتى الله اعلم |
رد: افضل توكيلات السيارات فى مصر؟
بصفة عامة تقريبية ... كل ما العربية سعرها غلى ... توكيلها بيديك خدمة كويسة و معاملة و احترام و اهتمام بسيارتهم
من خبرة احد زمايلى فى العمل ... توكيل فولكس فاجن العبور كويس جدا توكيل بى ام دبليو ... ابو نورا اكتر واحد يفيدك توكيل تويوتا .. محترمين جدا توكيل هوندا ... محترمين جدا توكيل مرسيدس ... محترمين جدا ... و انا رأيى .. انهم لازم يكونوا محترمين توكيل الميتسوبيشى ... دايموند او الرواس ... اى كلام و معاملة على غير المستوى المطلوب |
رد: افضل توكيلات السيارات فى مصر؟
اولا اشكرك الزميل العزيز ابو نورا والمهندس احمد على الراى المفيد
واود من باقى الاعضاء الافادة لان لسه التوكيلات كتير وطبعا انا بتكلم على العربيات المتوسطة مش الغالية زى المرسيدس وغيرها انا اقصد توكيلات العربيات اللى فى مستوى لغاية مئتان وخمسون الف اللى اغلب الناس بتشتريها سكودا ، رينو ، شيفورليه ، وغيرهم وشكرا مرة اخرى على الافادة |
رد: افضل توكيلات السيارات فى مصر؟
الاسكودا توكيل كويس فى التعامل ... بس زحمة جدا و اسعار قطع الغيار غالية جداااااا
الرينو .. بعض الناس قالوا كويس و بعضهم قالوا مش كويس الشيفروليه ( منصور ) ... بعض الناس عاجبهم و البعض مش عاجبهم ... اسعار قطع غياره غالية حبتين عن السوق متابع معاك رأى الزملاء الافاضل |
| الساعة الآن 01:25 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017