مساعده فى فيات 127 توب
 

اشتريت توب
127ataly
model74
كويسه وكل حاجه سليمه من جوه اساسيات ياعني وسحبها حلو بس صوتها عالي جدا وعاوز اروح لمكانيكي بس خايف يضحك عليا
عاوز معلومه ممكن يكون ايه السبب في علو صوت الماتور

رد: مساعده يا اهل الخبره
 

مسمار الهوا فى الكربراتير مفتوح زيادة
الكهربا عالية شويه من الإسبراتير و ده هتلاقى المكنه بتترج منك (بيحصل نتشه متكررة) على السلانسيه (و أنت مشغلها و مش معشق غيار)
التاكيهات عاوزة تتضبط على مقاس أقل, لأنها لما بتكون مفتوحة بتعلى صوت الموتور
غيار الزيت بتاع المكنة لزوجتة راحت و محتاج تغير زيت (المفروض دى أول حاجه تعملها بعد شراء العربية - تغير كل الزيوت و السيور و الفلاتر لو المالك السابق مقالش إمتى غيرها)
الشاكمان مخروم أو العلبة بايظه أو جوان الفرن منفس (واحد بتاع شاكمانات يشوف التنفيس منين لو الشكمان هو السبب)
المهم متروحش على أى ميكانيكى, إسأل جيرانك أو أصحابك أو سواقين التاكسى, أكتر من واحد, مين أفضل ميكانيكى فى الصنعة و الأمانة و مش غالى فى أسعاره قريب منك علشان مترميش فلوس عالأرض.لإن أى ميكانيكى هتروحله و تقوله لسه شارى يروح مغمض عنية و يقولك طقم شنبر.
سترنا الله و إياكم و أعاننا على الخير

رد: مساعده يا اهل الخبره
 

الله ينور عليك يا درش .... :CONGRA~238:

رد: مساعده يا اهل الخبره
 

انا رحت لبتاع الشكمان قالي مافيش غير الجلدة مقطوعة ووخد 20 جنية
فامت رايح علي الميكانيكي وقالي سير الكاتينة وقالي هاتو انتا وانا اخد مصنعية 100 جنية كدة كويس ولا اية ؟؟
وهل سير الكاتينة يخلي صوت الماكنة عالي ولا بعد مانغيرو يطلع حاجة تانية