مصر موتورز مجتمع السيارات - كيا برايد سيدان ولا لادا 2110

مصر موتورز مجتمع السيارات (https://www.masrmotors.com/vb/index.php)

- مقارنات (https://www.masrmotors.com/vb/forumdisplay.php?f=174)

- - كيا برايد سيدان ولا لادا 2110 (https://www.masrmotors.com/vb/showthread.php?t=136610)

كيا برايد سيدان ولا لادا 2110

الأخوة الكرام عندى إستفسار ياريت الاقى توضيح عشان الواحد دماغة تعبت
أنا معايا 30 ألف بالكتير ممكن يزيدوا 33 ومحتار بين الكيا برايد سيدان واللادا 2110؟
البرايد كلة بيقول قطع غيار كويسة ورخيصة واللادا بيقولوا أغلى بس الفرق بين الأتنين فى حاجات كتير تفرق جامد فى العربية منها مثلا البرايد 1300 لكن اللادا 1600خصوصا انا يهمنى قوى نقطة الأمان بمعنى أن اللادا 2110 صاجها شديد ومدعم بفولاذ وطبعا اللادا معروف تحملها لأن السيارة لأسرة وفى أطفال ويهمنى الأمان جدا

ياريت حد يفيدنى بمقارنة عملية بينهم وياريت مقارنات رقمية بين أسعار قطع الغيار؟ وكمان أية أفضل موديلات اللادا 2110 عشان بتفرق بين تقفيل روسى ومصرى

رد: كيا برايد سيدان ولا لادا 2110

المقارنة ديه فكرت فيها فى 2006 وانتهيت بافضلية مطلقة للبرايد
الموضوع مش سعة موتور وبس فيه فرق كبير فى التكنولوجيا والتصميم بين الاتنين زى بالظبط الفرق بين الجرار الزراعى والسيارة الملاكى والخلاصة ان البرايد افضل اداء كتسارع وسحب وجرى بالرغم من صغر سعة المحرك مقارنة بالادا وكمان اوفر فى استهلاك البنزين
كمان البرايد اسهل فى القيادة والتحكم وديه ميزة مهمة للامان برضو
اكصدامات البرايد صلب وقوية جدا عن تجربة بس طبعا باقى الصاج ضعيف جداً بس مش معنى كدة انه اقل امانا بالعكس الدراسات بره اثبتت ان الصاج المرن قادر على امتصاص الصدمات وعزلها عن مقصورة الركاب بشكل افضل من الاكثر صلابة والاتنين فى الاخر لما هيتخبطو هيروح للسمكرى
اخيراً الاهم على الاطلاق فى موضوع شراء سيارة مستعملة هو الحالة وبالتالى الحالة الافضل دايما تكسب بغض النظر عن اى اعتبار اخر لكن لو الحالة الافضل للبرايد يبقى اكيد هى الانسب
ومبروك مقدما وتحت امرك فى اى استفسار وياريت تقرا اكتر عن العربيتين فى الاقسام الخاصة بيهم فى المنتدى او باستخدام محرك البحث عن الموضوعات
محرك البحث عن موضوعات السيارات مصر موتورز MasrMotors.com

رد: كيا برايد سيدان ولا لادا 2110

اقتباس:

المشاركة الأصلية كتبت بواسطة AbOnOrA (المشاركة 1001145)

والله يا باشا مش عارف أشكرك ولا أقولك أية على نصائحك القيمة اللى دايما تقولها وأسلوبك السهل الممتنع دة فى توضيح كل شئ

رد: كيا برايد سيدان ولا لادا 2110

الكيا برايد تكسب والله جميلة جا وقطع غيارها متوفرة

أما 2110 هتقرفك في موضوع قطع الغيار وغلوهاااااااااااااااااااا اااااا

رد: كيا برايد سيدان ولا لادا 2110

اقتباس:

المشاركة الأصلية كتبت بواسطة Ahmed Tarek 00 (المشاركة 1001218)

تسلم يا باشا لردك,,,أنا اللى خلانى افكر فيها هى الصاج بتاعها المصفح المعروف عن اللادا ودة يهمنى جدا عشان الامان للأسرة