سؤال اسعار العربيات علي كونتاكت وفي سوق الجمعه
 

السلام عليكم
انا بدخل علي كونتاكت بلاقي اسعار مبالغ فيها لعرييات قديمه وتعبانه
هل النت الاسعار فيه اغلي من الواقع
ولا هي العرييات سعرها زاد فعلا

علما اني موجود في السعوديه مثلا
في موقع اسه حراج السيارات زي كونتاكت كده بالضبط
بس الاسعار فيه فرق 3000 الي 5000 ريال بينه وبين سوق الجمعه لو العربيه عامله في رنج من 25 الي 50 الف وده للي بينزل السوق وعارف
لكن المشكله ناس مش بتثق في الحراج والاسواق فبيشتري من عالنت ويستسهل
وبياع النت بيزود براحته عليه
وقيس علي كده لو سعرها زاد بقي

الغرض من السؤال

1_عني لو بدور علي عربيه مثلا
اجيب من كونتاكت ولا اروح سوق الجمعه اللي في العاشر
ولو لقيت علي كونتاكت عربيه نضيفه هل السعر بيكون في تفاوض
انا عارف ان مفيش قاعده عامه بس بسال علي المتوسط
يعني تشتري منين افضل
وليه مبقاش في ثقة في سوق الجمعه

2_ ادونا مثال لو سيراتو 2010 او 2011
فبريكه او رشه اجزاء بره اوتوماتيك جنوط وقزاز ومرايات كهربا تكون رنج كام في الواقع عشان الواحد يعرف يفاصل مع بتوع كونتاكت
او حتي لو رحت سوق العاشر تكون عارف هي كده لقطه ولا واقعه ولا غاليه

شكرا

رد: سؤال اسعار العربيات علي كونتاكت وفي سوق الجمعه
 

النت فى زياد طبعا علشان احنا فى مصر بنحب الفصال بمعنى يبقى العربيه ثمنها مثلا 50 الف اطلب 55 الف ويفاصل المشترى حتى توصل الى 52 الف جم ههههههههههه ولو قال الحقيقه 50 الف عرفين طبعا ايه الى هيحصل

رد: سؤال اسعار العربيات علي كونتاكت وفي سوق الجمعه
 

غالبا فى فصال وفيه ناس بتبالغ بزيادة وفيه ناس بتبيع غناوة وفية ناس بتجيب من الاخر علشان سرعة البيع مش كلة زى بعضة بس افضل البيع من النت افضل من حوارات السوق

رد: سؤال اسعار العربيات علي كونتاكت وفي سوق الجمعه
 

مش كله زي بعضه يعني هو الفصال موجود سواء علي النت او في السوق و كمان مفترض يكون معاك فني عارف العربية دي اخرها كام و بيقولك

رد: سؤال اسعار العربيات علي كونتاكت وفي سوق الجمعه
 

ميزة السوق عن النت هو التنوع يعنى انت ممكن تصطحب معاك فنى بيفهم كويس + خبرة حضرتك وتلاقى بدل السيارة عشرة فى مكان واحد
عيب السوق ان الغش والنصب فيه كتير فلازم تكون صاحى وفى الغالب اكتر من 1/2 اللى بيبيع بيكون تجار سيارات او واحد بيقلب فلوسه فى العربيات وهؤلاء غالبا ما بيبالغوا فى السعر
ميزة النت هى اللقط واحد مثلا مسافر ومش فاضى يروح السوق يقوم يجب من الاخر فى السعر
لكن اغلب اللى على النت بيبالغ فى السعر وفيه كمان اللى بيستهبل غاية الاستهبال وتلاقيه مزود عن سعر مثيلها 10.000 مثلا
تقبل مرورى