|
عندى مشكلة محيره لانوس 2007
لسلام عليكم يا شباب والله عربيتى لانوس 2007 عندى مشكلة لما بدوس على دواسه البنزين بالتدريج بتكون كويسه سحبها كويس ولكن لما بدوس على دواسه البنزين للاخر العربيه احس انها مخنوقه وما بتسحبش مع العلم انى لسه مغير موتور الطرمبه البنزين وطقم سلوك وبو جيهات ونظفت البوابه والايدل وعملت ايدل ليرن كمان مش عارف ايه سبب الموضوع ؟ ده هل ليه علاقه بحساس معين ؟ ولا باقى انى منظفتش الرشاشات ؟؟ كمان لما بطلع مطب لازم ازود بنزين عشان العربيه بتبرجل بسيط ياريت الرد عليا فى اقرب وقت
|
رد: عندى مشكلة محيره لانوس 2007
نظف الرشاشات على جهاز تنظيف الرشاشات
وان شاء اللة هتتحل لان الانوس مشهور بالعيب دة |
رد: عندى مشكلة محيره لانوس 2007
فعلا جرب نضفهم الترا سونيك
طيب حضرتك الموضوع ظهر بعد حاجة معينة ؟ كنت مغير سير الكاتينة مثلا ؟ |
رد: عندى مشكلة محيره لانوس 2007
مغيرتش سير كاتينة الا من 6 الاف كيلو لكن ما كنش موجود المشكله دى
طب جهاز الالتراسونيك بتاع الرشاشات موجود عند مين فى المعادى انا من حلوان |
رد: عندى مشكلة محيره لانوس 2007
انا لسة منظف رشاشات عندكم فى القاهرة النهارده ( مع انى من اسكندرية )
عند راجل بروفيشينال شارع السودان بعد ميدان لبنان فى الهوارى دخلت يمين ممن عنده فى شارع السودان و مشيت لغاية بنزينة موبيل اللى على الشمال و لما شفتها بصيت يمينى لقيت يافطة ورشة الرضا و النور للكاربيراتير و الانجيكشن و الستريو هى ورشة صغيرة بس الاستاذ رضا راجل محترم جدا و فاهم جدا جدا نضفت ال 4 ب 100 ج معرفش الفك و التركيب بكام لانى انا اللى فكتهم و ركبتهم هو صحيح الرجة اللى على السالنسيه مرحتش بس انا استفدت استفادة رهيبة 1- عرفت انهم مش سبب الرجة و عرفت حالتهم 2- حسيت بعدها انها مش عربيتى اساسا ........... نعومة و سحب رهيب فانت كدا كدا مش خسران حتى لو مرحش العيب عندك تنضيف الرشاشات اجراء وقائى و مفيد |
| الساعة الآن 08:22 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017