نقصان مياه التبريد بشكل ملحوظ
 

المشكلة عندى بقالى اسبوع مياه الريدراتير بتنقص بمعدل كبير يعنى تقريباً 2 لتر كل 100 كم وبالكشف على جميع الخراطيم والوصلات والكوليهات وجدت سليمة تماما و مفيش فيها اى تسريب وبالكشف على الريدراتير من ناحية المروحة ومن اسفل لا يوجد تسريب و بعد كل ده بقى شكى فى حاجتين :
1- ان فيه تسريب من الناحية الامامية للريدراتير و الهواء بينشف المياه قبل ما تنقط و صعب اكشف عن وجه الريدراتير لوجود سربنتينة التكييف امامه .
2- ان يكون فيه تلف فى جوان وش السلندر من ناحية المياه :
وعلشان كده :
**** مليت القربة للاخر ودورت مفيش كبس فى القربة .
**** فكيت البوجيهات مفيش عليها مياه .
**** مفيش عندى اى اعراض سخونة الا لو المياه خلصت .
**** مفيش اى تقطيع او صعوبة فى الدوارة و الزيت مش طحينة .
**** بفكر اجيب مياه خضراء واضحى بيها علشان تعلم فى مكان التسريب السرى العجيب .
اللى عنده افكار يفكر معايا ممكن يكون ايه تانى والمياه بتروح فييييييين ؟؟؟؟

رد: نقصان مياه التبريد بشكل ملحوظ
 

لو الشكمان بينزل مياة زيادة عن اللزوم
يبقة عندك طبة جوة الموتور بتهرب مياة ولازم تفورها وتتغير
بس اتاكد من الشكمان

رد: نقصان مياه التبريد بشكل ملحوظ
 

مفيش اى مياه من الشكمان

رد: نقصان مياه التبريد بشكل ملحوظ
 

دور العربية و بص تحتها و هى دايرة غن شاء الله هتلاقة خرطوم من الخراطيم مسرب او طبة من الطبب مسربة

رد: نقصان مياه التبريد بشكل ملحوظ
 

حط مكروكروم بتاع الجروح فى المية هايلونها ولو فى تسريب هيبان