العربية خالطة المية على الزيت
 

كنت ماشي من يومين سمعت صوت تكتكة في العربية وقفت لقيت المية داخلة على الزيت اطريت امشي حوالي 10 كيلوا لغاية موصلت البيت اية المشكلة للعلم العربية موديل 2001 دايو لانوس

رد: العربية خالطة المية على الزيت
 

معنى كلامك ان العربيه جابت جوان وش سلندر
ممكن اعرف حضرتك عرفت ازاى ان الميه خلطت مع الزيت
سؤال تانى الريداتير فيه زيت ولا لا

لو عندك عربيه او محتاج عربيه .. انضم لجروب عربيه لقطه بأسعار خياليه
 

https://www.facebook.com/groups/316635768532069/
لو عندك عربيه او محتاج عربيه .. انضم لجروب عربيه لقطه بأسعار خياليه

رد: العربية خالطة المية على الزيت
 

المياة خالطة على الزيت تبان من كذا مكان
الريداتير - مقياس الزيت - غطا الزيت (اللى بنغير الزيت منه أعلى المكنة) - قربة المياة
الأماكن دى هتلاقى عليها وش زيت بنى (فى الريداتير و القربة) أو طحينة (فى مقياس الزيت و غطاء الزيت)
لو الموضوع كدة يبقى لازم تفك الوش و تغير الجوان
و غلط أنك تمشى بالعربية كده لإنها هتسخن بسرعة لسببين
الأول إن دورة المياة بتهرب المياة بتاعتها مش بتبرد
الثانى إن الزيت لزوجتة بتروح بسبب إختلاطة بالمياة
و لاقدر الله فى أسوأ الظروف ممكن تبقى عمرة كاملة (عافاك الله منها)
حاول تلحقها بدرى أحسن و لو مش جاهز مادياً ليها سيب العربية مركونة و متجازفش و تركبها دلوقتى
المهم تقيس الوش عند خراط تشوفة محتاج كشط و لا لأ (يعنى محتاج يتمسح عالمخرطة علشان يبقى متساوى لأن الوش مع السخونة الشديدة و بعدين المياة بيقفع أو بيبقى مش متساوى و يرجع يخلط زيت بمياة تانى بعد الجوان)
لو أتمسح عالمخرطة تركب جوانين فوق بعض و تدهنهم بزيت الموتور (بلاش الجوان الدوبل علشان مضروب و مالوش لازمة)
أعانك الله

رد: العربية خالطة المية على الزيت
 

متفق مع الاستاذ zing0
بس جزئية لو الوش مقفع جامد هات وش استيراد افضل