مشكلة لاصحاب الخبرة اكسنت 1500 انجكشن الموتور بيعرق بس الزيت بينقص
 

العربيه اكسنت 1500 انجكشن الموتور بيعرق بس الزيت بينقص حوالى نص لتر كل 3000 كم وصوت العربيه خشن ومن حوالى اسبوع عمل طحينه مش عارف اغير موتور ولا اعمر:3_8_14:

رد: مشكلة لاصحاب الخبرة اكسنت 1500 انجكشن الموتور بيعرق بس الزيت بينقص
 

رد: مشكلة لاصحاب الخبرة اكسنت 1500 انجكشن الموتور بيعرق بس الزيت بينقص
 

الطحينة ديى اعراض جوان وش سيلندر
نقص الزيت نص لتر فى 3000 كم مقبول
و فعلا زيى ما قال الاستاذ ابو نورا لازم الوش يتحل و يتعرف هى محتاجة ايه بالظبط
ممكن مجرد جوان و طقم شمبر

رد: مشكلة لاصحاب الخبرة اكسنت 1500 انجكشن الموتور بيعرق بس الزيت بينقص
 

شكرا على الرد الموتور معمرش قبل كده والميكانيكى بيقول هيكلف 1500 عمره والموتور الاستيراد 22000 فى بورسعيد على تجربه

رد: مشكلة لاصحاب الخبرة اكسنت 1500 انجكشن الموتور بيعرق بس الزيت بينقص
 

غالباً زى ما الإخوة أفادوك
دى أعراض جوان وش سلندر مع تغيير طقم شنبر
تتوكل على الله و تعمل مكنتك و تقف مع الصنايعى متسيبهاش و تمشى إلا للضرورة
الموضوع لو صنايعى حريف ممكن يخلصه فى يوم واحد من أوله لآخرة بس الأغلب هتأخد يومين علشان الصنايعية كسالى أوى دلوقتى
أهم حاجه صنايعى تمام و أيده فى مواتير العربية من زمان, مش لسه أول مرة يفكها و عمال يستعجب و مش فاهم بيعمل إيه, ثم قطع غيار على قدر الإمكان تكون أصلية و جودتها عالية. الشنبر ممكن البرازيلى أبو علبه حمراء المدموغ (على الشنبر دمغة زى الذهب) أو من توكيل معتمد لشركة محترمة (فاليو مثلاً ....).
الجوان يكون أصلى و لو أحتاجت كشط من الوش لاقدر الله متحطش جوان دوبل, حط جوانين عاده فوق بعض و أدهنهم زيت (الجوان الدوبل مصرى مضروب ) إن شاء الله مش هتحتاج.
و آخر حاجة فترة تليين كويسة و متستعجلش فيها و تتابع الحرارة, و بإذن الله ترجع أحسن من الأول
و طبعاً تطمئن على الوش و الصبابات و الجلد بتاعهم بالمرة أدام حليت الوش.

أعانك الله