تعبت خلال من الاكصدام الخلفى
بسم الله الرحمن الرحيم
اخوانى اعضاء المنتدى الكرام من عنوان الموضوع اقدر اشرحلكوا مشكلتى ان العربيات اللى بتمشى ورايا بتيجى مسرعة قوى وتفرمل قريب جدا من عربيتى ودايما بيخبطوها وده حصل لحد دلوقتى 3 مرات من ساعة مشتريت عربيتى BYD F0 وكل مرة اوديها للسمكرى ادفع مبلغ وقدره يعنى المرة الاولنية مكروباص ريح على الاكصدام فطبقه وجرحه فاروحت للسمكرى وعدله وخد حوالى 80 جنيه مش فاكر قوى والمرة التانية عربية دبابة جت من بعيد ومسرعة والطريق وقف وانا وقفت براحة ولكن العربية الدبابة فرملت قريب جدا منى وخبطت الاكصدام واتقطع كمان حتى قد 50سم وبان الرفرف اللى وراه وودتها للسمكرى وعدلها ولحمها وخد بالعافية 150جنيه والمرة التالتة ودى اخر مرة كنت ماشى على الدائرى والطريق وقف برده والعربية اللى ورايا ريحت على الاكصدام وخلاه يخش جوه شوية خلاص انا تعتبت من الاكصدام ده كل محد يلمسه يطبق ويخش لجوه وانا سيبه على حالته الاخيرة قلولى بالله عليكوا اعمل ايه اغيره بجديد فى التوكيل واشترى الصداده اللى بيسموها ديفينس اللى بتتركب فى الرفرف اللى ورا الاكصدام وهل لو ركبته التوكيل حيعترض لان العربية لسة فى الضمان وهل الموضوع ده يخرجها من الضمان عشان انا زهقت من كده يعنى اركبه وحيحمى العربية ولا لأ معلش اعذرونى لو تالت عليكوا واعذرونى لو انا كتبت مصطلحات غلط فى موضوعى ده ولو فيه غلط يا ريت تصححهولى والسلام عليكم ورحمة الله وبركاته :fun_36_1_4[1]: |
رد: تعبت خلال من الاكصدام الخلفى
متابع معاك
|
رد: تعبت خلال من الاكصدام الخلفى
ممكن ان تذهب اخى الكريم لمتخصص فبر متميز ويقوم بحل الاكصدام وعمل تقوية داخليه
بورق الياف الكربون بالحرارة مع مئل الفراخ بين الاكصدام والسيارة بفل مضغوط تجربة نجحت فى لانسر 2013/كورولا2010 |
رد: تعبت خلال من الاكصدام الخلفى
اقتباس:
شكرا اخى العزيز على الرد المفيد جدا ده ان شاء الله ححاول اعمله بس سؤالى هل لو انا عملت كده يخرج العربية من الضمانFLASHCar |
رد: تعبت خلال من الاكصدام الخلفى
اقتباس:
السلام عليكم اعتقد ان اللى يخرج العربية من الضمان هو انك تلعب فى ضفيرة الكهرباء او تفك الموتور لاى سبب خارج التوكيل او تفك العفشة دة ممكن واحتمال كبير جدا انها تخرج العربية من الضمان وممكن لو التوكيل كويس يقولك ان لو عملت حاجة فى الكهرباء برة التوكيل فتخرج العربية من الضمان كهرباء فقط .... ولو عملت حاجة بالموتور فكيتة مثلا لاى سبب خارج التوكيل فتخرج العربية من الضمان موتور .. فهمت قصدى عموما شغل الاكصدام مالوش دعوة بالضمان لانها قطع مستهلكة يعنى مالهاش عمر واهم حاجة فى العربية الكهرباء والموتور فا ماتخافش وعموما انت اسأل التوكيل الاول لان فية بعض التوكيلات بيتلككو فاهم قصدى تحياتى |
الساعة الآن 05:04 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017