ميكروباص تابع للخدمات الارضية يصطدم بطائرة
 

‫ظٹط¹ظ†ظٹ ط§ظٹظ‡ ط¯ظˆظ„ط© ظپط§ط´ظ„ط©طںظٹط¹ظ†ظٹ ط³ظˆط§ظ‚ ظ…ظٹظƒط±ظˆط¨ط§طµ ظٹظ„ط¨ط³ ظپظٹ ط·ظٹط§ط±ط© ظپظٹ ط£ظƒط¨ط± ظ…ط·ط§ط±ط§طھظ‡ط§â€¬â€ژ - YouTube


ميكروباص تابع للخدمات الارضية يصطدم بطائرة

يقال و الله اعلم ان السواق جالته ازمة سكر و غيبوبة ... و بالتالى اصطدم بمحرك الطائرة ... ربنا يعفو عنا جميعا


الطيارة دى حتخرج من الخدمة مؤقتا و يتعملها NDT على مكان تثبيت المحرك بالجناج ...و على اجزاء من الجناح كمان و لو طلع فيه شروخ .. لازم يتغير .. و لو ابعاده اتغيرت ... او اتلوح ... لازم يتغير

اما بالنسبة للمحرك .... فده حيتفك و يروح الورشة ... و يتعمله فحص كامل .. و ان شاء الله ميكونش فيه حاجة كبيرة تتغير ...
اكبر مشكلة ممكن تكون فى وحدة التحكم الاليكترونى فى المحرك ... و دى تمنها ممكن يعدى المليون دولار


فى انتظار التعليق من الاستاذ هشام الجزار
العربية حالتها سيئة جدا
تقبلوا مرورى

رد: ميكروباص تابع للخدمات الارضية يصطدم بطائرة
 

شكراً على التوضيح يا باشمهندس الواحد كان هيفطس من الضحك على الخبر الصبح بس كدة الكلام معقول شويتين تلاته عن كلام الاخبار

بس هو السؤال بقى حادثة زى كدة تبقى تحت تغطية التأمين مثلاً ولا الراجل الغلبان ده هيتعمل فيه مصيبة ليطلع اخوان وعميل وجبان وكمان مدعوم من الامريكان ايه ياترى


https://fbcdn-sphotos-g-a.akamaihd.n...205f5432b5dcc2

رد: ميكروباص تابع للخدمات الارضية يصطدم بطائرة
 

العفو يا فندم لا شكر على واجب ... و بلاش لقب باشمهندس ده .... بحس ان فيه تكلف و حفظ مقامات و تعالى و حاجات كتير كدة
على حد علمى المتواضع ... شركات التأمين الى بتكون مأمنة على الطائرات بتكون شركات عالمية .. و بتدفع تأمين فى حالة الحوادث فقط ... بصراحة مش عارف موضوع الحادثة الداخلية مع التأمين ده اخباره ايه بالتفصيل ..... ان شاء الله الاستاذ هشام الجزار ممكن يفيدنا بصورة اكبر
اما عن السواق الغلبان ... الله اعلم حيتعمل معاه ايه !!! برضوا الاستاذ هشام حيجيبلنا الموضوع ده من قراره

على فكرة .... موضوع اصطدام المعدات الارضية بجسم الطائرة ده بيتكرر كتير .. مش فى مصر بس .. فى كل المطارات تقريبا ... و بتختلف الاضرار طبقا لمكان الاصطدام
اذكر من عدة سنوات ... شاحنة نقل ارضية سعودية فى مطار جدة اصطدمت فى مقدمة محرك طائرة جامبو ( ده لما كان عندها جامبو ) تابعة لمصر للطيران و تم تغيير مقدمة هيكل المحرك الخارجى ... يعنى زى ما احنا بنقول ... غيروا الصاج الخارجى فى المقدمة فقط