|
سيارة ضد حوادث السير
قامت شركة "ليت موتورز" بنشر صور وفيديو للسيارة الجديدة (Lit Motors C1)، والتي تجمع بين مميزات السيارة في المتانة، والدراجة النارية في الخفة والسرعة، فهي تتمتع بأجهزة الجيروسكوب للسيطرة على السيارة في حالة وقوع حادث فتبقيها مستقيمة على الطريق. وتعمل السيارة بالكهرباء، ويتراوح سعرها بين 10 إلى 15 ألف دولار أمريكي.
https://www.youtube.com/watch?v=xdmgDgcZfvY |
رد: سيارة ضد حوادث السير
تسلم ايدك انا اول مرة اشوف التصميمات ديه بتتسوق بشكل تجارى كل اللى شوفته قبل كدة كان كونسبت بس وكدراجة نارية فى الاساس محدش يقدر يقول ان ديه عربيه خالص و طبعا مفيش حاجة اسمها ضد الحوادث ديه خدعة تسويقيه بحته يعنى الجيروسكوب هيحافظ على التوازن ماشى بس مش هيمنع التصادم والمشكلة ان الواحد لو ركب حاجة زى كدة هتديله ثقة جامدة فى التوازن وهتخليه يجرى
|
رد: سيارة ضد حوادث السير
بصراحه متستغرب ازاي كوتشين فقط و مش بتقلب بتاتا مع محاولات قلبها في الاختبارات .!!!!!!!!!!؟.
|
رد: سيارة ضد حوادث السير
اقتباس:
السر فى الموضوع حاجة اسمها ظاهرة تأثير الجيرسكوب اى جسم دوار حولين محور عند محاولة امالته اللى بيحصل تولد عزم فى اتجاه اخر غير عزم الامالة و دا السر فى بقاء محور الدوران يقاوم اى محاولة لامالته اشهر مثال النحلة اللى كنا بنلعب بيها و احنا صغيرين بتدور على الارض حولين محورها العامودى لو افترضنا ان بها محرك يضمن استمرار الدوران مستحيل حتعرف توقعها متجه عزم الجيروسكوب = ضرب اتجاهى عزم الغزل X عزم محاولة الامالة النتيجة ان عزم الجيرسكوب حيدى النتيجة مرحلة 90 درجة فى اتجاه الدوران من نقطة التأثير اكيد البتاع اللى فى الفيديو دا جواه جيروسكوب جبار ممكن 10 الاف لفة او اكتر مش بعيد يكون الماتور نفسه |
| الساعة الآن 11:30 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017