مصر موتورز مجتمع السيارات

مصر موتورز مجتمع السيارات (https://www.masrmotors.com/vb/index.php)

- نوبيرا (https://www.masrmotors.com/vb/forumdisplay.php?f=157)

- - مشكله في الفتيس (https://www.masrmotors.com/vb/showthread.php?t=134329)

مشكله في الفتيس

سلام عليكم يا رجاله مصر موتورز
انا معايا نوبيرا 2006 مانيوال . الفيتيس بياخد غياراته عادي لكن لما انزل من التاني للاول بيجي بصعوبه هل بقى في عيب ولا محتاج تغيير الزيت ؟

رد: مشكله في الفتيس

ودة بيحصل على سرعة كام؟؟؟؟
لانة غلط والعربية واخدة سرعتها

رد: مشكله في الفتيس

واضح انك بتاخده علي سرعه , متاخدش الاولاني عند مطب مثلا الا اذا خلاص العربيه هتقف , و هتلاقيه يجي معاك بسهوله , انا مريت بنفس تجربتك و كان بيبقي خشن في النقل و مش حاسس بتزيتته الفتيس معايا في الغيارت الا ان عرفت اني ماخدوش غير و انا بطيء جدااا لدرجه انها هتقف ...

رد: مشكله في الفتيس

اى تسقيطة غيار من اعلى لاقل بتبقى اصعب خاصة وانت واخد سرعة او حارق على الغيار لان ده معناه مقاومة (كلبشة) اكبر من الموتور على الديسك والاسطوانة ومش مستحب تعملها كتير والعربية تمشيك بالتانى على اى سرعة ومش محتاج تجيب الاول الا والعربيه ((واقفة)) علشان وهى واقفة بس هتحتاج منك الغيار الاول غير كدة طول ماهى ماشية سلانسية هتديك عزم على التانى معقول برضو

طبعاً الموضوع نسبى والمفروض يكون فيه الكلبشة ديه بشكل معقول مش زيادة برضو ولو حاسس ان الاداء غريب بص على الديسك والاسطوانة واخر حاجة تشك فيها الفتيس لان ده عادى ولو عايز تعملة صيانة بص على الزيت بس ولو محتاج يتزود زودة وبس

رد: مشكله في الفتيس

كلام حضراتكم صح انا كنت بنزل من التاني للاولاني و العربيه على سرعه عشان كده كان الغيار يجي بصعوبه لكن لما اكون واقف و اطلع على الاولاني بيجي بسهوله عادي
شكرا جدا يا رجاله