|
افيدونى من فضلكم ! تقسيط سيارة بروتون
السلام عليكم ورحمة الله وبركاته
انا كنت عاوز بعد اذن حضرتكم تساعدونى لانى ان شاء الله عاوز اشترى عربيه انا هقلكم على كل حاجه بالتفصيل عشان تساعدونى اكثر انا عندى 21 سنه وعاوز اشترى عربيه من زمان لاكن الظروف ما سمحت والحمد لله على اى حاجه انا معجب جدا بالعربيه بروتون جين2 لان فى ناس كتير اوى بتشكر فيها وبيقولوا جميله جدا للشباب بصراحه العربيه داخله دماغى اوى وانا ان شاء الله نويت اجيبها لكن عندى مشكله انا مقدرش اجيبها كاش سواء موديل جديد او مستعمل معى ان شاء الله 30.000 الف هدفعهم مقدم طيب والقسط ؟ انا ان شاء الله لى معاش حكومى 2500 جنيه شهريا المعاش ده لوالدى الله يرحمه ويجعل متواه الجنه والمعاش ده باقى له 3 اعوام فانا عاوز استغل الثلاث اعوام الباقيين لقسط السياره ان شاء الله / هتدفع 2000 جنيه شهريا للقسط والباقى لى ووالدتى وجدتى + انا لى عمل خاص اخر فبعد ازن حضرتكم افيدونى مبلغ المقدم كويس والقسط ايه رأيكم فيه وهل انا اقدر اجيب عربيه جين2 كويسه ولا لأ وجزاكم الله خيرا |
رد: افيدونى من فضلكم !
ايه يا جماعه محدش رد عليا يعنى ؟
|
رد: افيدونى من فضلكم !
40 مشاهده ولا رد واحد ؟؟ لا اله لا الله
|
رد: افيدونى من فضلكم !
طالما ديه اول عربية ليك يبقى افضل تجيب عربية مستعملة وبلاش الزيرو والتقسيط وواحدة واحدة هتزود وتركب اعلى كاش براحتك من غير ما ترهق ميزانيتك او ميزانية الوالدة ويوم ما لا قدر الله تتزنق وتحتاج فلوس العربيه هتعرف تبيعها ومش هتخسر كتير لكن التقسيط لا هتعرف تبيعها ولا تخلص من اقساطها ده غير تكاليف الصيانات وغيره وغيرة
|
رد: افيدونى من فضلكم ! تقسيط سيارة بروتون
بص يا باشا لو انت متمكن من السواقة اعتمد علي الله وهات براند نيو لان الزيرو مريح جدا جدا اما بالنسبة للتقسيط فانا الحمد لله هقدر افيدك لاني غندي معرض سيارات دلوقتي كل البنوك بتدي بالتقسيط بفائدة تتراوح ما بين 8/9/10 % يضمان صورة يطاقة وايصال كهربة لكن بمقدم 40% وده طبعا مايكملش الميلغ اللي معاك يبقي انت هتعمل ايه بقا هتطلع علي هيئة التامينات والمعاشات وتجيب افاده بالمعاش وتقدم ورقك في اي معرض وان شاء الله هتاخد ابروفال علي طول وده رقمي لو احتجت اي استفسار 01009090950
|
| الساعة الآن 08:41 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017