مشكلة في مؤشر البنزين و العوامة - كورسا هاتش 97
 

السلام عليكم ورحمة الله
عندي مشكلة غريبة مع مؤشر البنزين
تنك العربية 45 لتر كنت لما افول المؤشر يديني 20لتر بس مع ان البنزين ظاهر في زور التنك .
رحت للكهربائي يشوفلي الحوار دة فك الطلمبة و طلع العوامة وقالي المشكلة من العوامة نضفها و ركبها تاني المؤشر رفع لـ39 لتر (دة بعد محاولات اكتر من 6 ساعات) فأنا قلتله سبها كدة انا مش مفول تاني ..
المهم بعد اسبوع المؤشر عمل حاجة غريبة بينزل مع دوسة البنزين و العربية واخدة غيار و يرجع يطلع تاني لما اسيب دواسة البنزين فضل على الحال دة ثلاث ايام مكنتش فاضي اروح للكهربائي لحد امبارح نزل على الاحمر وماراضي يطلع ابدا مع اني كنت مفول قبل كدة و منزلش تدريجي علشان التنك كان فاضي و دخلت على الإحتياطي و انا مش حاسس ....حد يفيدني اعمل اية في المشكلة دي هل المشكلة في العوامة ولا حاجة تانية .

رد: مشكلة في مؤشر البنزين و العوامة - كورسا هاتش 97
 

رد: مشكلة في مؤشر البنزين و العوامة - كورسا هاتش 97
 

اولا متشكر على ردك
ثانيا :الكهربائي بالفعل عمل كدة عشان يتأكد انها سليمة و عشان كدة ركبها تاني و مرضاش اني اجيب وحدة جديدة وهوا دة اللي هيجنني

رد: مشكلة في مؤشر البنزين و العوامة - كورسا هاتش 97
 

علشان متتعبش نفسك كتير
طرمبة الكورسا لازم تتثبت فى ارضيه التانك لانها كدا عايمة عندك وهاتلاقى المؤشر بيتحرك فى الملفات يعنى ممكن تكون مفول اللمبه تنور والعكس , الموضوع ده قليل جدا اللى بيعملوه وعلشان كدا انا هاشرحلك
هاترفع الكنبة اللى ورا
هايكون تحتها غطاء بلاستك مرن , هاتفتحه بطرف مفك عادة
هاتلاقى خرطومين بنزين واحد اللى خارج من التانك والتانى اللى راجع وهاتعلم اليمين يمين والشمال شمال
هايفضل الغطاء الصاج بتاع التانك هايكون مقفول بدايرة حديد ليها اربع فتحات زى بتاعته ساعه اليد هاتحط المفك العادة مع اتجاه عقارب الساعه وتحركة بحيث انه يلف معاك وكدا ترفع الغطاء بعد فك الفيشة عن طريق سحبها من الكلبس
الغطاء هايكون واصل فيهم خرطومين بنزين متوصلين هاترفعه هاتلاقة الطرمبة خرجت معاك بسهولة والمفروض ده ميحصلش لو هى متثبته تحت
هاتفضى التانك من البنزين نهائى ممكن تملاه فى جركن عن طريق زجاجة او تسحبه بخرطوم اللى يناسب المهم التانك يكون اصبح فاضى
الطرمبة من تحت هايكون فيها 3 صوابع تثبت ولو بصيت فى التانك هاتلاقى ليهم مكان يتم تثبتهم عن طريق وطع الصوابع فى الاماكن الفاضية وتلف الطرمبة مع الظغط على الصوابع لحد ما تثبت
اتأكد انها ثابته جدا لان الموضزع ده مقرف جدا
هاتقفل الغطاء بتاع التنك وتوصل الخراطيم والفيش
هاتحط 2لتر بنزين هاتلاقى اللمبة منورة , هاتبطل وتحط 5 لتر هايرفع الموشر لفوق الاحنياطى بحاجه بسيطة , حط كما 5 لتر هاترفع معاك
كدا اتوكل على الله
اتمنى اكون افادتك انا اول مرة اعلق لانى فضلت فى المشكلة دى حوالى 6 شهور لحد ما اتوصلتلها لحل

رد: مشكلة في مؤشر البنزين و العوامة - كورسا هاتش 97
 

السلام عليكم عليك وعلي الشيخ محمد فيصل شارع العشريني
وده ت 01065526969 01111415134