مشكله فى سياره فيات 127
 

بداية اشكر المجهود الرائع من كل الاعضاء والادمن فى ردهم على المشاركات والتى استفيد منها كثيرا

ثانيا : مش هطول عليكو انا عندى مشكله فى العربيه وهى انى بسمع صوت تخبيط فى العربيه من ورا مع السرعة العاليه يعنى على الرابع وساعات مبتحصلش ولكن اول لما بسمع الصوت ده بهدى والصوت بيروح ومش دايما بيرجع الصوت لما ازود السرعة مع العلم انى لسه مظبط العفشه الخلفيه تماما يعنى لسه مغير طقم جلب ومقنطر السوسته والراجل بتاع العفشه قالى ان المساعدين تمام ومش محتاجين اى حاجه فيا ريت حد يقولى ايه المشكله واحلها ازاى

ثالثاُ : انا بسمع صوت تصفيره لما بدوس فرامل مع العلم انى لسه مغير تيل الفرامل وطقم طنابير اللى قدام من اقل من شهر ومكنش بيعمل معايا كده فى الاول لكن دلوقتى بقيت اسمع الصوت ده ومش عارف من ايه وكمان ساعتها الميكانيكى بصلى على الفرامل اللى ورا وقلى لا تمام مش محتاجه حاجه

رابعا ً : دايما بسمع صوت صفاره زى زقزقة العصافير من ورا من اول ما بدور العربيه ولما سالت الرجال بتاع العفشه قالى ده الشكمان ولكن انا لما جيت ابص على الشكمان لقيته متثبت كويس من ورا فهل ممكن يكون حاجه غير الشكمان ولا الشكمان مش مربوط من النص مثلا

اسف انى طولت عليكو

رد: مشكله فى سياره فيات 127
 

ايه يا جماعه هو الموضوع صعب اوى كده

رد: مشكله فى سياره فيات 127
 

السؤال الأول: الله أعلم

حضرتك بتقول الميكانيكى بص على اللى ورا تمام, و اللى قدام جداد, و فيه تصفير, يبقى بنسبة 90% الجداد مضروبين, هتفك التيل و تبص علية لو فيه لمعة يبقى مخلوط برايش نحاس و مضروب, تغيرة بنوع نضيف أحسن بدل مياكل الطنابير الجديدة , حرام. بس لو لاقيتة مش لامع (مطفى) يبقى تغسل التيل و الطنابير غسلة محترمة بالبنزين, ربما حبة رمل دخلو و عملو صوت التصفير ده.

توقعى زيك بالضبط, الشكمان مفكوك من النص لو متأكد إنه مربوط من الآخر, و إتأكد إن مفيش حاجة مريحة عليه (واير أو خرطوم أو ....)

ده اللى أقدر أقوله و منتظر معاك رد الإخوة الخبراء