مصر موتورز مجتمع السيارات - تسقيط موتور النترا 2 كامه بدل من 1 كامه الموجود فى الاكسنت

السلام عليكم كنت عايز اعرف رأيكم فى تسقيط شورت بلوك هيونداى افانتى(النترا) 2 كامه 1500cc بدل من عمل وش سليندر و طقم شنبر للموتور عندى بحوالى 1500 جنيه او اكتر و هو اصلا عامل 300,000 الف كيلو و معموله عمرة كاملة فى التوكيل قبل كدة...
انا معايا اكسنت موديل 2000 كامله 1 كامه اوتوماتيك 1500cc اول يد من الزيرو و كنت قلقان من فتح الموتور تانى و ممكن نخش فى نص عمره او اجيب موتورها الاصلى و يبقى قديم اوى و مستهلك و مش مضمون جى منين و لما كنت راكب مع سواق تاكسى اكسنت قال انه سواقين تاكسى ركبو موتور الافنتى 2 كامه عندهم عادى جدا بدون اى تعديل فى ادوات التغزية او القواعد العربية و انه موفر فى البنزين و اداء احسن و ان سعره حوالى 2500 جنيه
رحت لواحد شغال فى التسقيط و شاف الموتور و العربيه و قال انه يركب شورت بلوك عادى بالمنيفولد و الكنترول بتاعك منغير لعب فى الضفيره لأن الاتنين 1500cc
ولاكن فى ناس قالولى يستحسن تركب المنيفولد و الضفيرة و الكنترول بتوع الموتور الجديد عشان انت هتغير من 1 كامه الى 2 كامه و ممكن العربيه تغربل معاك.. و انا مش عايز لعب كتير لحد لما اجرب الموتور اصلا و اتأكد انه سليم.....افيدونى
(الموتور الاستيراد كان راكب فيه فتيس اوتوماتيك زى بتاعى)