بي واي دي ولا لانوس
 

بما إني معنديش خبرة في السيارات وعاوز أشتري فانا بدور على عيوب العربية قبل مميزاتها، فدورت واقتنعت بالبي واي دي. لكن سؤالي : ليه بي واي دي مش لانوس ؟ بغض النظر عن فرق السعر

رد: بي واي دي ولا لانوس
 

أنا هأرد عليك من واقع معلوماتى الضئيلة, و منتظر رد باقى الأعضاء للإستفادة
الـ BYD أفضل لإن المكنه متسوبيشى لانسر و العفشة تيوتا كورولا و التقفيل صينى
(الكلام ده فى المستعمل, الجديد أعتقد بقى تقفيل مصرى و المكنه إتغيرت)

اللانوس (الكلام على شيفرولية طبعاً مش دايو)
تقفيل مصرى من الأول للآخر, و قطع غيار صينى من الأول للآخر و سعر مبالغ فيه من منصور (بإعتبار إنها تجميع محلى يبقى المفروض بالسعر ده إمكانيات أفضل لإن مفيش جمارك و لا نقل و شحن و تفريغ و خلافه , حتى الضريبة بيتحاسب عليها "قطع غيار" مش "سيارات كاملة")
سألت سواق تاكسى على مقارنه سريعة بين اللانوس و الفيرنا و الـ BYD و الإسبرانزا, كان كلامه.... (كلامه على عربيات التاكسى الإحلال و دى ممكن تكون جودتها مختلفه عن المعروض فى السوق):
الـ الإسبرانزا أسوأهم, غير معمرة بالمرة , و بعدها اللانوس, التقفيل المصرى و قطع الغيار غير الجيدة بتخليها كثيرة الأعطال, ثم الـByd و الفيرنا.

ده اللى أعرفه و منتظر معاك رد باقى الأعضاء

رد: بي واي دي ولا لانوس
 

Byd طبعا افضل لقوة الموتور والعزم والوسع الدخلى ولزيادة كماليات ولسوء تقفيل لانوس بس ياريت تفكر شوية فى رينو لوجان واسبرانزا انفى فى نفس الفئة السعرية

رد: بي واي دي ولا لانوس
 

تمام جدا، بارك الله فيكم :14FEAD~151:

بالنسبة للوجان الحقيقة مش مرتاحلها نفسيا وحاسس إنها اقل من تمنها بكتير.

رد: بي واي دي ولا لانوس
 

من رأى البى واى دى عربية جميلة جداً أفضل ما وردت الصين لمصر الأوبشن بتاعها كويس قوى بالنسبة لسعرها وهى بالفعل أفضل من اللانوس والفرنا والأسبرانزا صالونها أكبر بكتير أرتفاعها عن الأرض ملائم جداً لشوارعنا ثباتها أكبر من اللانوس والفرنا ( معدومة الثبات ) ماتورها محترم ماتسوبيشى عافشتها بيركب عليها التويوتا كورولا ونفس التابلوه بتاع التويوتا 2005
أما عن الرينو لوجان الشكل الجديد عربية حلوة والأوبشن بتاعها كويس بس هى 96000 ألف لما سألت عليها وأنا شايف أنها أغلى من إمكانيتها بالأضافة إعادة البيع صعب قوى