مصر موتورز مجتمع السيارات - العربية بتجيب 100 بالعافية !!!

ضبط كربراتير و كهربا عند حد بيفهم (بحيث سن البوجية يكون لونه بيج مش هباب أسود)
لو لسه يبقى تكشف على طقم الدبرياج, و ده هتلاقى الـ RPMعالى و الموتور بيزعق, و العربية مش عاوزة تمشى (ليه إختبار مبدئى:تدور العربية, و تجيب الغيار الرابع و إنت واقف و ترفع رجلك براحه من عالدبرياج, المفروض تفصل, لو مفصلتش يبقى الطقم تعب, ليه رجلاش يتضبط , لو لسه يبقى يتغير)
لو لسه يبقى تضبط تاكيهات برضو عند حد بيفهم, مقاس التاكيهات فى اللادا 0.15 مم (حريق و عادم نفس المقاس), ممكن تخليها 0.20 علشان تقلل إستهلاك البنزين و السخونه بس صوت العربية هيبقى عالى شوية
و ياريت قبل ضبط التاكيهات تغير البوجيهات و الفلاتر (هوا و بنزين)
لو لسه ... بيع العربية و إنت الكسبان, هيا اللادا كده: دكر بط مسكوفى

(طبعاً الكلام اللى فات ده لو حالة الموتور و الكرونة و الفتيس كويسه, و مش علشان العربية 2006 يبقوا لازم حالتهم كويسه, لازم تطمئن عليهم الأول)

أعانك الله