|
مشكلة فى بطارية العربية
بسم الله الرحمن الرحيم
السلام عليكم استفسار بسيط من الاخوة الاعضاء عندى بطارية سائلة و حالتها معقولة بس بتيجى الصبح ما بتشتغلش خالص الا لما اجيب بطارية تانية و احطها مكانها و اوصلها العربية بتدور من اول تكه و الغريب ان بعد لما اشيل البطارية السائلة و اجى اركبها تانى فى العربية تشغتل على طول بقيت مش عارف بصراحة العيب فين فى البطارية ولا ايه ولو فيها عيب المفروض ما تشتغلش تانى لانها المفروض ما فيهاش شحن و المعذرة ان كنت قد اطلت عليكم |
رد: مشكلة فى بطارية العربية
هل انت موصل حاجة مباشر على البطارية زى انذار مثلا ؟
على العموم تعمل الاتى اكشف على شحن الدينامو لو تمام شوف السائل اللى فى البطارية اذا كان محتاج يتزود متابع معاك |
رد: مشكلة فى بطارية العربية
شكرا استاذ مؤمن على الرد و الاهتمام
شحن الدينامو مظبوط والبطارية مظبوطة زى ما الكهربائى بيقول و على فكرة البطارية شغالة طول اليوم تمام المشكلة دى فى الصبح بس يعنى هى مش بتدور الصبح و لما اغيرها و اشغل العربية شوية ببطارية تانية و بعدين احط البطارية تانى العجيب انها بتشتغل من اول تكة مش عارف العيب فين بس على فكرة انا حاسس انها مشكلة فى توصيلات ضفيرة الكهربا بتعمل تسريب لشحنة البطارية |
رد: مشكلة فى بطارية العربية
حضرتك بتقول الكهربائى قال ان الشحن تمام والبطارية تمام
يعنى المشكلة فى الفترة اللى بتسبها فيها لغاية الصبح ممكن يكون عندك حاجة ملمسة تتسبب فى تسريب الشحن او انت موصل حاجة مباشر للبطارية تتسبب فى سحب الشحن او ان البطارية فيها مشكلة ممكن تكشف عليها عند حد تانى وبردو انصحك تنتظر اراء خبراء المنتدى تحياتى لك |
رد: مشكلة فى بطارية العربية
شكرا لاهتمامك استاذ مؤمن
انا عندى فكرة هعملها فى الليل هفصل وصلات البطارية للصبح واشوف ربنا يسهل لو ودارت يبقى عرفت المشكلة بس انا حاسس ان ضفيرة الكهرباء ملمسة علشان لما بحركها بايدى و الكونتاك فاصل تلاقيها تنور نور الاشارات مثلا |
| الساعة الآن 06:47 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017