وش سيندر ولا جوان ؟ بيجو 405
 

حضرتكم .. انا جبت عربية بيجو 405 وكل شوية تسخن والامبير يعدى ال 90 F .. وكل ما اجى احط مياه .. بتقل بسرعة فور ما بحطها .. والردياتير مش بينقط او بيسقط منه حاجة ... وش سيلندر ولا جوان ؟
ولو وش سيلندر اجيبه استيراد وبكام ؟ من عند سوسو ؟
لكم جزيل الشكر

رد: وش سيندر ولا جوان ؟ بيجو 405
 

عربية بيجو 405 .. موديل 95 .. هاف انجيكشن 1600 سي سي

رد: وش سيندر ولا جوان ؟ بيجو 405
 

مفيش حد يقدر يقولك وش سلندر و لا جوان
لو الوش بايظ أكيد الجوان كمان معاه
و ده ليه علامات ممكن تلاقيها كلها و ممكن تلاقى بعضها فقط
- المياة بتنقص بسرعة و درجة الحرارة بتزيد بسرعة زى ما ذكرت
- غطاء تزويد الزيت فى المكنه عليه آثار زيت مخلوط بالماء (طحينة), و نفس الشئ على غطاء الريداتير و القربه
- لزوجة الزيت ضايعة (بقى مياه مش زيت و لونه مبيض) شبة الطحينة فى اللون
- الشكمان بيطلع مياة غزيرة فى كل الأحوال, و خاصة لما تزود بنزين.
- العربية بتبرجل و تقطع و مش منتظمة فى الحرق

و دى محتاجه ميكانيكى يفك وش السلندر و يكشف عليه عند خراط و يغير جوان الوش (لو مسح عالمخرطة هيزود جوان, يعنى هيركب جوانين فوق بعض و بلاش الجوان الدوبل المصرى, هات جوانين فوق بعض و حط بينهم شوية زيت محرك)
أعانك الله

رد: وش سيندر ولا جوان ؟ بيجو 405
 

الاخ الفاضل متشغاش عربيتك لحسن تدخل في عمره موتور روح لميكانيكي متمكن وغير وش السلندر وخليه يكشف علي الوش وهو بره