كيفية معرفة نوع وبعد كام كيلو يتغيير الزيت الموجود فى السيارة.
 

عاوز اعرف من شكل العبوة او ايه الدلالات التى يمكن ان ترشدنى الى ان الزيت هذا اغيره بعد كام كيلو وايه افضل شركه منتجه للزيوت فى مصر
:260309~146:

رد: كيفية معرفة نوع وبعد كام كيلو يتغيير الزيت الموجود فى السيارة.
 

سألت نفسى السؤال ده كتير
و كل شركات الزيوت بإختلاف أنواعها (الشركات المعتمده مش ورش تحت السلم) موبيل و توتال و كالتكس و شل و ... و التعاون
مش هتلاقى أى كلام على الجركن يقول ده مدته كام كيلو
مفيش غير لزوجة الزيت SAE: أحادى أو متعدد الدرجات (20w-50) ( w50) مثلاً
و رمز الخدمه API , و ده بيتدرج بترتيب حروف الهجاء الإنجليزى , كل ما كان الحرف اللي مكتوب متأخر في الأبجدية الانجليزية.. كان الزيت ده أحسن
يعني (G) أحسن من (F)... و(M) أحسن من (L) ,و هكذا

طبعاً بتاع الزيت اللى بتغير عنده أو فى البنزينه بيفهمك انه عاوز مصلحتك و بينصحك لوجه الله, ده يتغير على 1000 و ده 2500 و ده 4500 , طيب عرفت منين يقولك الشركه بتقول لنا !!! و تقولك أنت ليه, هو إنت اللى بتستخدمه !!!

زيت شل الأحمر, المتعارف عليه انه بيقعد 2500 كم
واحد من خبراء المنتدى (ربنا يبارك له mr astra) سابه 26000 كم
المهم فى الموضوع حاجتين:
تقيس اللزوجه من وقت للثانى و تتابع لون الزيت, كل ميغمق يبقى أفضل (بينضف أحسن)
تلزق مغناطيس قوى على الفلتر بتاع الزيت يلم رايش الإحتكاك أول بأول
و ربنا يسلمنا و يحفظنا
أعانك الله

رد: كيفية معرفة نوع وبعد كام كيلو يتغيير الزيت الموجود فى السيارة.
 

تقيس اللزوجه من وقت للثانى و تتابع لون الزيت, كل ميغمق يبقى أفضل (بينضف أحسن)
تلزق مغناطيس قوى على الفلتر بتاع الزيت يلم رايش الإحتكاك أول بأول
و ربنا يسلمنا و يحفظنا
أعانك الله[/QUOTE]

حلوة فكرة المغناطيس دي يا ترى الواحد يقدر يعملها بنفسه ونجيب المغناطيس منين وازاي نحطه ؟ وشكرا

رد: كيفية معرفة نوع وبعد كام كيلو يتغيير الزيت الموجود فى السيارة.
 

من أى سماعه عربية أو كاسيت قديمة, و تحطه على جسم الفلتر بس
فيه ناس بتربطه بأفيز بلاستيك علشان ميقعش مع الإهتزاز, بس ده لو المغناطيس ضعيف
غالباً مغناطيس السماعات بيكون قوى و بيلزق لواحده

رد: كيفية معرفة نوع وبعد كام كيلو يتغيير الزيت الموجود فى السيارة.