ارجو المساعدة فى نقل الملكية
 

انا اشتريت عربية من واحد عامل توكيل والرخصة مرور حلوان ولسة منتهية من 4 ايام وعملت عقد بيع ابتدائى
وانا مرور الاميرية
عاوز اعرف اعمل ايه بالظبط علشان متمشورش بين المرورين كتير
هل اروح للمرور القديم واطلع شهادتين بيانات واحدة للشهر العقارى والثانية لمرور الاميرية واعمل مطابقة بصمة ومخالفات
واطلع للشهر العقاري اعمل عقد بيع مسجل واخده مع باقى الورق واروح لمرور الاميرية والموضوع يخلص هناك؟

ولا اروح مرور الاميرية وامتح ملف واخد مطابقة بصمة واروح مرور حلوان اطابق البصمة واعمل كل الاجراءات السابقة وبعد كده ارجع مرور الاميرية تانى؟
افيدونى ارجوكم

رد: ارجو المساعدة فى نقل الملكية
 

اولا الف مبروك علي السياره وربنا يكرمك فيها
ثانيا تبدا من مرور السياره بشهاده بيانات للشهر العقاري وشهاده بيانات للمرور(وتحافظ علي الشهاده دي كويس) وطبعا معاك شهاده المخالفات ال جبهالك البائع( صالحه لمده شهر) وبعدين تروح الشهر العقاري وتبيع لنفسك وبعدين تتاخد السياره الصبح بدري وتروح المرور بتاعك وتشتري ورق فحص وتفحص السياره ومعاك العقد المسجل باسمك وبعدين هيطلب منك مطابقه البصمه تروح مرولر حلوان وطابق البصمه وتقريبا في استعلام امني وبعدين ترجع للفحص في مرورك ليتم ختم الورق وبعدين تجيب(ورق الفحص + الرخصه+شهاده المخالفات+شهاده البيانات+العقد المسجل+دوسيه+وصل دفع الضريبه الجبريه من شركه التامين بمده سنه او ثلاثه)وتروح علي الشباك ومن هنا تبدا استلام اللوحات الجديده وتسليم القديمه وبعدها ان شاء الله الرخصه المؤقته لحين ورود الملف

ودي المعلومات ال عندي والله اعلم

رد: ارجو المساعدة فى نقل الملكية
 

رد: ارجو المساعدة فى نقل الملكية
 

فعلا الله ينور عليك يا شيخ(صورة)