وعملتها على الصبح....
 

السلام عليكم
بعد التحية على جميع السادة اعضاء المنتدى الكرام.....جيت ادور العربية الصبح طولت على درات ...المهم دارت الحمد لله....بس انا قلت العربية لسه ما سخنتش ...قلت ادوس بنزين اكتر ...مش عاوزة تستجيب .العادم طالع فى كربون ...كتير قلت فيه حاجة مش مظبوطة فى العربية قلت فى حاجة فى الكهربا.....قلت امشى العربية بتنط..الى ان سيسة العربية ...واحدة ....واحدة والحمدلله...الى الميكانيكى قالى طقم طهربا...الحمد لله كان معايا طقم بوجيهات...قلت اروح اشترى ابلاتين وكوندنسر...طبعا الصبح مفيش محلات فاتحة يوم الجمعة الساعة 11 المهم دورت وجبت الاللى الموجود فى العربية علشان منه 3 انواع...المهم المضحك فى الموضوع انه مكتوب على الى انا ركبته صنع فى فرنسا....ازاى الله اعلم....ومتسألش ....هى كده ...طبعا واضح انه مضروب....تمام..المهم ركب والحمد لله دارت ورحت اغسل العربية ...فى البنزينة موتور وشفط وبرة ...ب45 جنيه ...و10جنيه شاى ...المهم مشيت الامبير الحرارة رفع ليه مش عارف ...وقفت وفكيت غطاء الردياتير المياه نشفت حطيت حوالى 2الى 3 لتر مياه ...وطول منا ماشى احط شوية شوية ...الى ان وصلت بالسلامة...والله اعلم جبت وش سلندر ولا ...لا ...لانى مش عاوز ادورها ...بس واضح انى مطرانى ادورها ادعولى ...انها تكون بخير ....المهم روحت اشترى طقم كهربا من شارع دمشق...75 جنيه ...بويهات وبلاتين وكوندنسروصورهم قلت ارفها ..بس دول جبتهم بعد ما اشتريت المضروب (الفرنساوى)....ن اكيد مش هيطول ...وشكرا ...
http://im75.gulfup.com/qhItyu.jpg
http://im75.gulfup.com/7GuAfL.jpg

رد: وعملتها على الصبح....
 

افحص منظومة التبريد المائى( قربة- رادياتير- غطا رادياتير- خراطيم- طرمبة المايه )
لما التبريد يفشل لازم تظهر مشكلة
البوجيه ده مش مناسب ل 128
مدى حرارى غير متوافق- غير صحيح طبقا لمواصفات الصانع - لكن شغال زى كل مصر
الابلاتين يصنع بالكامل فى مصر فى العاشر ( وليس فرنسا)
لكن شغال - طالما الثغرة مضبوطة

رد: وعملتها على الصبح....
 

السلام عليكم
شكرا على الرد ....بارك الله فيك..
ممكن يكون المشكلة فى ايه لان الموضوع ده عاملة لى مشكلة كبيرة جدا.....الميكانيكى ممكن يكون عارف.....وشكرا على الرد

رد: وعملتها على الصبح....
 

استحالة يكون جوان وش سلندر
لو الجوان ضارب لا قدر الله ما تاخدش الكمية دى كلها "3 " لتر
وكمان هتلاقى مقاس الزيت عالى عن المعتاد او ان المية كلها بتطلع من الشكمان
انت عندك تسريب وليس جوان
منين بقى ....الله اعلم لازم طبعا تبص على العربية كلها دايرة تبريد وموتور

رد: وعملتها على الصبح....
 

الف شكرا على المعلومة القيمة وان شاء الله محل فحص ...لان الموضوع فيه مشكلة كبيرة وان مياه بتقل والمكنية بتسخن ....وطبعا ده بيخليك وانت سايق فى حالة توتر....
الف شكر مرة تانية مستر استرا