|
ساعدوني في استهلاك البنزين
السلام عليكم
رمضان كريم معايا لانسر سوبر اكشن 2007 استهلاك البنزين نار تقريبا 40لتر ل300 كيلو وللاسف كل الميكانيكية مبيفهموش اي حاجة عايز اعرف الاستهلاك ده بيروح فين وايه المشكله ولو الموضوع ده حصل لاي شخص وحله يرييت يقولي ويرشحلي ميكانيكي بيفهم الله يخليكم |
رد: ساعدوني في استهلاك البنزين
ياريت تحكيلنا شوية عن أسلوب سواقة حضرتك.. ومشاويرك أغلبها فين.. وأخبار صيانة العربية إيه لإن فيه عوامل كتير بتفرق في استهلاك البنزين أولا.. الزحمة... لإنك بتبقى معشق الأول أو التاني بالكتير.. ثانيا.. طريقة السواقة... الضغط بشدة على دواسة البنزين علشان تاخد تسارع عالي بيزود استهلاك البنزين بجنون ثالثا... استخدام الفرامل... طبعا غريبة إن الفرامل تزود الاستهلاك... إنما استخدام الفرامل معناه إنك مضطر تدوس بنزين تاني علشان تزود سرعتك.. وده بيزود الاستهلاك رابعا.. الأوزان الزيادة... أي أوزان مالهاش لازمة في العربية بتزودلك الاستهلاك بدون داعي خامسا... المعوقات الميكانيكية... والمقصود بيها أي شيء بيسبب مقاومة على أداء الموتور .. زي الفرامل القافشة... اسطوانة الدبرياج المفوتة.. مساعد أو مقص معووج... باختصار لازم العربية تكون حالتها الميكانيكية زي الفل. سادسا: المعوقات الكهربية... زي مشاكل في الحساسات أو برمجة الكمبيوتر أو أسلاك البوجيهات وأي شيء له علاقة بدايرة الإشعال. سابعا... نوع الوقود.. يعني ما ينفعش تحط بنزين 80 في عربية عايزة بنزين 90.. وأبسط نتيجة هتكون زيادة الاستهلاك لإن أداء العربية مع البنزين الـ80 أقل وبالتالي حتضطر تدوس بنزين أكتر علشان تاخد أداء مرضي من العربية... ده غير الآثار السلبية على الموتور ثامنا... مشاكل دورة الوقود ... زي انسداد في فلتر البنزين أو فلتر الهوا.. أو مشاكل في طلمبة البنزين... كل ده بيزود الاستهلاك تاسعا... مشاكل في دورة الاحتراق.. يعني لازم تتأكد إن البنزين بيتحرق كويس ويخرج من العادم مستريح... فلازم تتأكد من فلتر الهوا... وإن علبة البيئة في الشكمان مش مسدودة ... |
رد: ساعدوني في استهلاك البنزين
اقتباس:
|
رد: ساعدوني في استهلاك البنزين
يجماعة شفولي حل الله يخليكم مش قادر من استهلاك البنزين ده
|
رد: ساعدوني في استهلاك البنزين
اكشف علي سنسور الشكمان او غيره لو بقاله اكتر من 150 الف كيلو
|
| الساعة الآن 05:37 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017