مصر موتورز مجتمع السيارات - السلام عليكم لو سمحتم عايز افهم عن موضوع السحب

مصر موتورز مجتمع السيارات (https://www.masrmotors.com/vb/index.php)

- منتدى السيارات العام (https://www.masrmotors.com/vb/forumdisplay.php?f=2)

- - السلام عليكم لو سمحتم عايز افهم عن موضوع السحب (https://www.masrmotors.com/vb/showthread.php?t=130417)

السلام عليكم لو سمحتم عايز افهم عن موضوع السحب

العربيه مش بتسحب اوي ولو مثلا ماشي علي 80 وانا علي الغيار الرابع وهديت شويه لحد 50 مثلا ورجعت ادوس بنزين وانا علي الغيار الرابع بتسحب ببطء شديد جدا جدا مهما دست زياده علي دواسة البنزين وعشان تسحب افضل شويه لازم اديلها الغيار التالت
وسحبها عموما حسه ضعيف ولما باوصل لسرعة 110 كم في الساعه بيبقا السحب اضعف واحسها مش عاوزه تجيب اكتر الا بصعوبه اوي مع اني بضغط دواسة البنزين جامد بس بحسها مش بتستجيب علي اد الضغطه خالص
وساعات علي التاني والتالت ادوس بنزين جامد تسحب العربيه بالراحه ولما اشيل رجلي من ع الدواسه وادوس تاني تبدا تسحب كويس والميكانيكي مش عارف فيها ايه بيقولي ده الطبيعي بس طبعا انا مش مقتنع
الجزء دا منقول لوكان تقريبا نفس المشكله العربية عندى نيسان 85
روحت للميكانيكى قال المشكله الاسطوانه روحت جبت ابن الهندسه وخليتو يجرب العربية
وكان اول انطباع الدبرياج عالى هنوطى شويه جميل فل وقالى جرب بكره وكانت النتيجة على الغيار الاول تمام شويه وبقت العربية مش عايزه تسحب وشويه تسحب وهكذا طول اليوم
طبعا بنزين 80 فور......ايفر

رد: السلام عليكم لو سمحتم عايز افهم عن موضوع السحب

من وجه’ نظري ليها كذا سبب
-فلاتر (فلتر بنزين / فلتر هواء)
-بوجيهات
-تنظيف الكربراتير او بوابه الانجكشن علي حسب عربيتك
-طرمبه البنزين ممكن تكون ضعيفه
-العربيه محتاجه ظبط كهرباء
-ممكن زي الميكانيكي مبيقول برده طقم دبرياج(اسطوانه و دسك)
-ممكن يكون في مشكله في نظام العادم (الشكمان)
و الله اعلم

رد: السلام عليكم لو سمحتم عايز افهم عن موضوع السحب

90% مشكلتك طقم دبرياج

رد: السلام عليكم لو سمحتم عايز افهم عن موضوع السحب

حضرتك عامل اقتباس لمشكلة اخرى ؟؟؟؟؟؟
كان افضل تحكى مشكلتك بالتفصيل لعربيتك

رد: السلام عليكم لو سمحتم عايز افهم عن موضوع السحب

اولا شكرا ليكم جميعا
ثانيا انا كاتب انى اخذت جزء من مشكله عضو فى المنتدى
اخير انا حاس انى المشكله تخص البنزين لان فى اوقات العربية بتجرى زى الفل واوقات تكون مكتومه حتى بعد الغيار النهارده بعد الفطار جاى من م.نصر على كوبرى اكتوبر 120... 130 الله اعلم مش هتكون مشكله ديسك واسطوانه

معلومه اخيرا يمكن تفيد العربية لو 45 مثلا وحبيت اجيب الغيار 3 تسقف لازم على 60

وشكرا جزيلا ليكم جميعا