مصر موتورز مجتمع السيارات - مواقف ونوادر الميكانيكة

مصر موتورز مجتمع السيارات (https://www.masrmotors.com/vb/index.php)

- منتدى الصيانة العام (https://www.masrmotors.com/vb/forumdisplay.php?f=4)

- - مواقف ونوادر الميكانيكة (https://www.masrmotors.com/vb/showthread.php?t=1304)

مواقف ونوادر الميكانيكة

كان يامكان حصلت حكايه ولا فى الاحلام ماشى بالعربيه فى امان الله الاقى حاجه والعياز بالله بتعمل ( بووووووووم فييسسسسس) والفرامل مره واحده حجرت وبتفرمل بالعافيه واشد ا لهاند بريك الاقى الكابل اتقطع فى ايدى .........
المهم ربنا وفقنى وقدرت اوقف العربيه واحده واحده عديت على اقرب ميكانيكى قالى بص ياباشا ديه هاتحتاج كاوتشة سيرفو اسمها طقية قولتله ماشى قالى بس ديه هتاخد وقت قولتله انا معاك
حل السيرفو وفك البرشام وغير الطقية الى بيقول عليها المهم اجرب الفرامل واطيه والماكينة مش مظبوطه وطبعا كل ده من الساعه 7 لحد 12 باليل وفى الاخر بقوله العربيه مش مظبوطه قالى عايزه كاوتش ماستر وعايزه تاخد هواء خليك بكره بقى وغرمنى 180 مشتريا بمصنعية المهم اتخنقت ولاقيت كلامه مش مقنع
اليوم التالى :-
رحت للميكانيكى الى بيعمل صيانه للعربيه دايما قالى بص ا نت هاتلى سيرفو استعمال او جديد قولتله لا اجيب جديد روحت جيبت واحد بـ 300 جنيه وفى الاخر مش عايز يركب قالولى ده بتاع موديل تانى رجعته وروحت
اليوم الثالث :-
ناس وصفولى ناس بتصلح سيرفوهات وشغلتهم فرامل بس روحتلهم صلحو السيرفو وكلو 100 100 وجربت عندهم كلو تمام روحت ركنت العربيه
اليوم الرابع :-
اجى ادور العربيه بدوس فرمل مش لاقى الفرامل ابص على زيت الفرامل مش لاقيه اختفى زودت زيت لاقيت علبة زيت الفرامل مش واصله كويس مع السيرفو وصلتها المهم رجعت من الشغل اتحنقت من المكانيكيا نزلت انا اخدت هواء لعربيه بنفسى واى شغالة والحمد لله

والله لسه فيها شغل عايز يتعمل بس الصنايعيه تشل

واسف للاطالة

:k_crying77[1]:

رد: مواقف ونوادر الميكانيكة

للأسف كله بقى بالفهلوة و قلة الضمير .... و كله بيفتى ... المشكلة إنك تدفع زى ما يطلبوا و مع ذلك يعمل ربع الشغل المطلوب .... يعنى لابسين الطاقية بمزاجنا و برضه مش نافع .... :w6w2005041122053268

رد: مواقف ونوادر الميكانيكة

هي لما تقفل كدة بيبقي الواحد عايز يبيع العربية أصلا
اصبر و ربك يسهلها، في أيام كده أحسن حاجة ان الواحد يقعد في البيت

رد: مواقف ونوادر الميكانيكة

والله ياجماعه ناس كتير قعدت تقولى بيعها بس انا بحبها ياناس :) وبعدين ياجماعه انا كل لما ادخل العربيه ترش دوكو لازم يطلع فيها الافتكاسات الى بتحص ديه وحسبى الله ونعم الوكيل فى كل ميكانيكى غبى او مستهتر

رد: مواقف ونوادر الميكانيكة

لا يا اخى تبيعها ليه مفيش عربية مش عايزة صيانة الكلام ده لو العربية فاتحة بقها ومش مقضية احتياجاتك منها

واذا كان على الميكانيكية فدول ممكن يعقدوا الواحد من اى عربية حتى لو زيرو