مساعدين نيو اكسنت
 

السلام عليكم

عربيتي هيونداى نيو اكسنت 2010 ومن مده قريبة بدات احس بالمطبات اوي وخصوصا النقر الصغيرة وحاسس ان العفشة بقت نشفة اوي

دلوقتي هروح اكشف علي العفشة وانا شاكك بقدر كبير انه هيطلع مساعدين امامية

لو هشتري مساعدين امامي تنصحوني اجيب ايه
الاصلي من التوكيل الجوز ب 1400 جنية بالضريبة
ولا لو جبت KYB ياباني يبقى احسن وهل هيخلوا العفشة انعم ولا لأ لاني عرفت انهم غاز برضه مش زيت

لو حد جرب نوع اخر وحاسس انه خلى العفشة انعم ياريت ينصحني

شكرا

رد: مساعدين نيو اكسنت
 

طيب يا باشا معلش الاول كدة شوف الطنابير الى قدام لو في شفة فيها خدها وش على المخرطة الاول وشوف الهبده راحت ولا لا ؟؟

انا كان معايا نيو اكسنت

رد: مساعدين نيو اكسنت
 

عذرا بس انا مش فاهم ايه علاقة الطنابير بالهبده في المطبات
انا طول عمري اعرف ان الطنابير لو فيها تعايرج او شفه تحس بيها في الفرامل
لو ممكن توضح ايه العلاقة ونستفيد من افكارك ؟؟

رد: مساعدين نيو اكسنت
 

ولا انا كنت اتوقع بس الى حصل قدامي غريب
نفس احساسك تقريبا بالنسبة لموضوع الهبدة الى زهقت منها حتي بعد ما غيرت المساعدين رحت لواحد وقعدت اشرح له الصوت لغاية ما قالي الصوت عامل كدة وقام مخبط بأيدة على الجنوط

المهم قالي هسنفر الطنابير علشان الشفه الى فوق دي هي الى عاملة المشكلة
وفعلا دة الى حصل والهبده راحت