مصر موتورز مجتمع السيارات - بعض المشاكل في لادا 2107 موديل 2004

مصر موتورز مجتمع السيارات (https://www.masrmotors.com/vb/index.php)

- منتدى السيارات العام (https://www.masrmotors.com/vb/forumdisplay.php?f=2)

- - بعض المشاكل في لادا 2107 موديل 2004 (https://www.masrmotors.com/vb/showthread.php?t=128716)

بعض المشاكل في لادا 2107 موديل 2004

انا لسة مشتري لادا 2107 موديل 2004
بس تقابلني بعض المشاكل وحاجات مش فاهمها نظرا لاني لسة جديد في عالم السيارات
لما بدور الكونتاكت قبل مدور موتور العربية لمبة الزيت بتنور معني كدة ايه؟
ولمبة البطارية برده بتنور؟
مع العلم اني لمابدور العربية والموتور بيشتغل بيطفوا
مع العلم اني وانا ماشي فجاة مؤشر الدينمو نزل والاشارات اليمين والشمال والانتظار مبقتش شغالة حسيت اني راكب عجلة العربية بتطلع حرارة من تحت الدركسيون هل ده طبيعي ولو عاوز اركبلها تكيف ينفع مع العلم انها مجهزة وسمعت ان فيه مروحة رادياتير احسن من الي فيها بتاعة التويوتا كابريس مش بتخليها تسخن خالص ياريت تجاوبوا علي كل استفساراتي اسف علي الاطالة

رد: بعض المشاكل في لادا 2107 موديل 2004

الجزأ الاول من السؤال
عادى وطبيعي ومفيش مشكله

مؤشر الديناموممكن يكون السبب ان السير مرخى او ان عدد لفات الموتور ضعيف بس ده بيكون فى السلانسيه مش وانت ماشي
؟؟

المروحة كهرباء
؟؟
اول مرة اسمع معلومة مروحة التيوتا
وعلشان كده متابع معاك

رد: بعض المشاكل في لادا 2107 موديل 2004

زى مقالك الأستاذ abokoko

اقتباس:

انا لسة مشتري لادا 2107 موديل 2004
مبروك يا باشا, ربنا يبارك لك فيها
بس تقابلني بعض المشاكل وحاجات مش فاهمها نظرا لاني لسة جديد في عالم السيارات
لما بدور الكونتاكت قبل مدور موتور العربية لمبة الزيت بتنور معني كدة ايه؟
ولمبة البطارية برده بتنور؟
طبيعى أول متلف المفتاح (بتفتح كونتاكت) اللمبتين بتوع البطارية و الزيت ينوروا و مؤشر البنزين و الحرارة يتحركوا للقياس, كل ده قبل متدور, ده الطبيعى عادى
مع العلم اني لمابدور العربية والموتور بيشتغل بيطفوا
برضه ده الطبيعى, و لو مطفوش يبقى فيه مشكله, لازم بعد متدور بثوانى يطفوا
مع العلم اني وانا ماشي فجاة مؤشر الدينمو نزل والاشارات اليمين والشمال والانتظار مبقتش شغالة
مؤشر الدينامو مش شغال معناه الدينامو مش بيشحن و ده لسببين (سير الدينامو اتقطع أو قاعدة الدينامو فيها شربونه مش موصله - طبعاً لو افترضنا ان الدينامو سليم) حاول تروح لكهربائى كويس يكشف على الكلام ده و يكشف على الإشارات
حسيت اني راكب عجلة
قصدك السحب بقى ضعيف و لا ايه؟ السحب ده موال تانى خالص
العربية بتطلع حرارة من تحت الدركسيون هل ده طبيعي
طبيعى لأن صدر العربية من تحت الدركسيون مش معزول, ممكن تعزلة بلباد حرارى و مش هتلاقى سخونه داخله عليك
ولو عاوز اركبلها تكيف ينفع مع العلم انها مجهزة
التكييف فى اللادا فاشل, لأنها مش معزوله , التكييف هيفضل شغال كتييير و برضه الجو مش بدرجة التبريد المطلوبه و بالتالى هتقرص عالتكييف و يبوظ بسرعه, هيا اللادا كده
لو مصرّ تركب تكييف, يبقى تروح لسروجى محترم يعزلك الأرضية و الأبواب و السقف و وراء التابلوه و الشنطه و تغير كاوتش الأبواب قبل تركيب التكييف
وسمعت ان فيه مروحة رادياتير احسن من الي فيها بتاعة التويوتا كابريس مش بتخليها تسخن خالص ياريت تجاوبوا علي كل استفساراتي اسف علي الاطالة
برضوا موضوع المروحة ده أول مرة أسمع عنه, بس لو العربية بتسخن فيه طرق كتير لتبريدها, من أول تغيير المروحة و الريداتير و صباع الحرارة, لحد متلغى ترموستات الكوعه

رد: بعض المشاكل في لادا 2107 موديل 2004

متابع .........