أعطال فى إنجكشن البيجو روا
 

أعطال إنجكشن البيجو روا:THE_PR~18:
العربية معايا من 2007 ما كنش فيها حاجة
السنة اللى فاتت فجأة و بدون أى مقدمات و أنا على سرعة عالية 100كم
العربية تفصل تماما و لما أضغط بنزين تشتغل
ده كارثة طبعا لإنى بأكون على طرق سريعة
المهم أول حاجة عملتها تنظيف دورة الوقود بالمنظف stp
و بعدين جالى كهربائى متخصص نضفنا البوابات
العربية بعد تنضيف البوابات بقت تمام لمدة إسبوع
رجعت تانى بعد كده
روحت لميكانيكى قالى حساس الكرنك غيرته
مشيت العربية يومين كويس و التالت رجعت زى الاول
روحت لحد تانى قالى حساس الكامه إشتريته و غيرته
مشيت شوية و بعدين رجعت
كل ده و أنا بأدفع فلوس كتير و بأقول رب يكرم و ترجع زى الأول
حد من القراء المحترمين عنده حل
العربية لسه عامله 50000 كم لإنى ما باستعملهاش كتير

رد: أعطال فى إنجكشن البيجو روا
 

بتفصل ازاى ؟ و ترجع تشتغل ازاى ؟
رجاء مزيد من التفاصيل
لان كدا يتفهم انها بتبطل يعنى ؟ و لما تدوس بنزين تدور ؟ !!!

هل فيه لمبة check او اى لمبة غريبة منورة فى التابلوه ؟

البوابة على واير و لا كهربا ؟

رد: أعطال فى إنجكشن البيجو روا
 

بتبطل خالص
زى ما أكون فاتح كونتاكت من غير ما أدور المارش
و لما أدوس بنزين و أنا على نقلة تشتغل
كل لمبات التايلوه بتنور

رد: أعطال فى إنجكشن البيجو روا
 

جرب راجع قاعدة علبة الفيوزات اللى فى الماتور تكون حاجة مبوشة او مهربة