مصر موتورز مجتمع السيارات - بدايتى مع تراخيص السيارات

مصر موتورز مجتمع السيارات (https://www.masrmotors.com/vb/index.php)

- منتدى السيارات العام (https://www.masrmotors.com/vb/forumdisplay.php?f=2)

- - بدايتى مع تراخيص السيارات (https://www.masrmotors.com/vb/showthread.php?t=12794)

بدايتى مع تراخيص السيارات

السلام عليكم ورحمة الله وبركاتة
انا اعمل بعقد مؤقت لدى احدى شركات الملاحة البحرية بالقاهرة تم ترشيحى من قبل الادارة لكى اقوم باستخراج وتجديد تراخيص سيارات الشركة علما بانة يوجد بالشركة خمسون سيارة مختلفة ما بين ملاكى ومينى باس لتوصيل السادة الموظفين لمنازلهم تم عرض الامر على عن طريق رئيس القطاع الادارى بالشركة وقالى انت هتقوم بالترخيص وهنعملك عقد سنوى شامل وكمان سنة لو اثبت جدارة هتتعين مكان الاستاذ عصام علشان كبر ومش هيقدر ينزل طبعا دة السبب الظاهر لكن السبب الباطن هو ان الراجل دة بيقولوا انة بيلعب فى النثريات الى بيساويها مع الشركة
وافقت وقلتلة انا فى البداية هحتاجة معايا وبالفعل نزلت معاة اول مرة فى تجديد رخصة فى نهار رمضان الصعب ووسط موظفين الشبابيك اجارهم الله رشاوى عينى عينك فى رمضان كمان يارب ارحمنا
انا مش عارف اعمل اية يا جماعة الموضوع صعب علية لان لو انا قللت فى المصاريف والرشاوى ممكن الراجل دة يتكشف ويبقى شكلة وحش ودة زميل
النقطة التانية عاوز نصايح منكم ازاى اتعامل مع الناس بتوع المرور دول مع العلم انهم عارفين المندوب السابق كويس وعارفين بيدفع كام لكل موظف ولفنى الفحص

رد: بدايتى مع تراخيص السيارات

دلوقتى لو حبيت تمشى رسمى مع موظفين المرور مش حتعرف تخلص مصالح الشركة وحتعقد الأمور
المرور - الأحياء - الكهرباء - المياه - حتى أقسام الشرطة كله بيمشى بالفلوس
كلامى هذا ليس رخصة ليك لكى تمشى أمورك فأنا لا أوافق على هذه الأمور وطالما إن ورقى سليم وبدفع الرسوم المقررة يخبطوا راسهم فى الحيط
ولك انت القرار وحدك
ديل أور نو ديل

رد: بدايتى مع تراخيص السيارات

والله يا هانى ماعارف اقولك ايه و احنا فى رمضان مينفعش تشوف شغلانة تانية غير ديه

رد: بدايتى مع تراخيص السيارات

انا لو مكانك حمشي قانوني
و المصروفات حتقل لكن شغل الشركه مش حيمشي
و اللي كان بيعمله اللي قبلك في يوم حتعمله انت في يومين او مش حتعمله
ساعتها الشركه حتعرف ان اللي قبلك مكنش بياخد حاجه في جيبه
وبعدين لازم بيبقي فيه بند في الميزانيه للنثريات و دا متعارف عليه محاسبيا
دي مش حاجه جديده

رد: بدايتى مع تراخيص السيارات

فى بند نثريات بس انا مش عاوز حد بقول علية نص كلمة
مش عارف اعمل اية