لانسر كريستالة
 

أنا ناوي اشتري عربية وحاطط رينج 45 لـ 50 وحابب اني أجيب لانسر كريستالة فهل:
- رينج السعر مناسب لحالة جيدة - أوتوماتيك - 1600
- هل العربية زاطية أوي ع الأرض وتحك في المطبات وياتري الموضوع ده حله ايه
- ايه مميزات العربية دي وعيوبها
- هل اللانسر البطة احسن منها
- اجيبها ولا اجيب اكسنت 99 - 1500 - أوتوماتيك خاصة ان قدامي واحدة كويسة

شكرا مقدما

رد: لانسر كريستالة
 

لو حالتها كويسة اوتوماتيك ، ممكن توصل لحد 55
العربية فعلاً مش عالية وهتحك فى المطبات لو راكب كذا فرد فى العربية لكن لوحدك مش هتحك ، حلها ممكن فى السوست تعليها ، بس بتعمل مشكلة ف الثبات ، فالحل انك تاخد المطب بالجنب بقا .. والمشكلة دى فى معظم العربيات ، زى اللانوس والبريليانس وحتى العربيات الجديدة ..
العربية ماشاء الله تمام ، بس مشكلتها هو انها واطية مش اكتر ..
من اهم مميزاتها انها واسعة جداً ، حتى فىعربية كانت قدام والدى نيسان صنى 2005 واللى معانا دلوقتى فلقيت النيسان ضيقة جدا من ورا مفيش مكان تحط رجلك فيه !!
حتى النترا 2008 الكريستالة اوسع منها بكتيررررررررر ..
أستخير ربنا واتكل على الله ف الكرستالة ..

رد: لانسر كريستالة
 

انا كمان ادامى كريستالة موديل 98 مطلوب 50 واستعمال اول يد عاملة 125 الف كيلو وعربيه سليمة بس رشة بره نظافة وانا متأكد انها نظافة ولا يوجد بها اى حوادث ولكن العربيه بها عطل فى الموبينه
... مش عارف اشتريها ولا ادور فى اللانوس وهل مشكلة الموبينه دى سهله ...افيدونى

رد: لانسر كريستالة
 

أنا احترت ومش عارف اعمل ايه.. بس داخل في دماغي أوي اني اجيب أكسنت 99 أو 2000 أتوماتيك .. سمعت انها كويسة ورخيصة وبنت ناس .. حد يفيدني يا جدعاااان