|
داستر ولا شارك ولا رابيد ولا النترا للأهمية
السلام عليكم
ناوى اجيب عربية اخر الشهر ده بس محتار جدا من كتر الاراء الخلاصة انا سفرى كتير على الطرق الزراعية و معروف انها طرق زبالة مطبات و نقر و تكسير و تصليح و فى نفس الوقت انا من عشاق السرعة فكرت بشدة فى الداستر عشان كبيرة و عفشتها قوية بس بخاف من ارتفاعها انه مايحققش ثبات خصوصا ان العادى بتاعى فى السفر 150 كيلو فيما فوق غير كده حد خوفنى منها و قالي بتتقلب بسهولة و غيره قالي هتتعذب فى صيانتها فى التوكيل و بعشق السيفيك بس مشكلتها انها واطية جدا و مش هتخدم كويس مع مطبات فى طريق بنها ميت غمر و الطرق المتفرعة منه فانا عايز حاجة تجمع ما بين السرعة و الثبات و العفشة على قدر المستطاع و تمنها ميعديش ال 170 اتمنى اهل الخبرة يفيدونى لانى خايف اتدبس فى حاجة و اندم عليها بعد كده و شكراً لكم |
رد: داستر ولا شارك ولا رابيد ولا النترا للأهمية
السلام عليكم الكمال لله وحده الشارك تتوفر فيها كل متطلباتك ماعدا اعادة البيع الألنترا ايضا توفي طلباتك ماعدا المطبات لأنها اوطي من الشارك قليلا لو مكانك هشتري النترا والله اعلى واعلم والله المستعان |
رد: داستر ولا شارك ولا رابيد ولا النترا للأهمية
الالنترا غير مناسبه لانه بيقول انهالعادى له فى السفر 150 كيلو / ساعه
صراحة مجرد انه حاطط فى باله انه عايز يجرى فى السفر غلط كبير طرق بلدنا لا تتحمل الجرى و السرعات العاليه اى سياره مهما تكن ممكن تفقد السيطرة عليها عند المفاجئات ربنا يستر طريقنا جميعا اللى يناسب صاحب الموضوع كعربيه متزنه وسريعه وعفشه دبابه هى التيوتا - لاند كروزر - التى يطلق عليها الثعلبه http://upimage.us/server/php/files/T...008_4_35_l.jpg |
رد: داستر ولا شارك ولا رابيد ولا النترا للأهمية
يا باشا طالما ميزانيتك 170 ألف و عاوز زيرو ، حضرتك ما تفكر فى الفلوانس عالية عن الأرض سرعة و أوبشن و أداء و رفاهية عفشة محترمة و ثبات فوووووووق الممتاز توكيل محترم جدا ً
|
| الساعة الآن 01:12 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017