مشكلة فى مارش تويوتا 2005
 

مشكلة فى مارش تويوتا 2005 أتوماتيك

مشكلة مدوخانى بقالها فترة لما العربية تمشى مشوار طويل أو تلف كتير على سرعة بطيئة (زحمة البلد) وأبطل العربية لأى سبب ( أمون فى بنزينة مثلا) لو حاولت أدورها بعد كده بسرعة مبتدورش والمارش ميطلعش صوت كأن مفيش بطارية اسيبها تهدى من 3 ألى 5 دقايق تدور عادى خالص
روحت التوكيل فكو المارش وغيرو طقم الشاربان ونضفو المارش وقالو أن ده هو السبب أجرب بعد كده المشكله هى هى

يا ترى حد ممكن يفيدنى علما أن الكمبيوتر ملقاش حاجة فى أى سنسور بالعربية؟

أنا لاحظت أن المروحة بتاعة الريداتير بتبقى شغالة قبل ما أطفى العربية وتحصل المشكلة (بس ده طبيعى لأنها بتكون عاملة مشوار سخن) هل ممكن يكون ده السبب؟

رد: مشكلة فى مارش تويوتا 2005
 

لما العربية بتسخن الاوتوماتك بتاع المارش بيفصل
حلة اوتوماتك استيراد وليس المارش بالكامل الا فى حالة تساوى الثمن

رد: مشكلة فى مارش تويوتا 2005
 

ألف شكر يا باشا على الرد السريع هما فى التوكيل قالو ان ممكن أتوماتيك المارش يكون السبب بس شكله كده لقى طقم الشاربان وحش فاستسهل وقال انه هو السبب معناه مشوار تانى للتوكيل وأمرى إلى لله حضرتك تعرف سعر اتوماتيك المارش المستعمل كام بره ؟

رد: مشكلة فى مارش تويوتا 2005
 

اعتقد سعر الاوتوماتك بتاع المارش حوالى 150 جنية
بس خلى بالك من عصايا الفتيس واتاكد انها على وضع P مظبوط او على وضع N

رد: مشكلة فى مارش تويوتا 2005
 

أخيراً حلت المشكلة بعد عذاب لما روحت لكهربائى متخصص مارش بره التوكيل فك المارش تانى وقالى اتوماتيك المارش سليم ومفيش حاجة ولكن الإشارة إلى جاية من الكونتاكت ضعيفة وركبلها كتاوت بعدها حلت المشكلة وشكر خاص لمستر أسترا على جهده فى الرد و إن شاء الله يستفيد باقى الأعضاء من الحل